"Buzaqylyq" boıynsha qylmystyq is tirkeldi
Polıseıler Shelek aýylyndaǵy aýrýhanaǵa shabýyl jasady degen kúdiktilerdi ustady, dep habarlaıdy Almaty-akshamy.kz.
21 naýryz kúni saǵat 16:00-de Eńbekshiqazaq aýdanynyń polısıa bólimine Shelek aýylynyń aýrýhanasynan 1986 jylǵy A. esimdi azamattyń dene jaraqattarymen hırýrgıalyq bólimge jetkizilgeni týraly habarlama kelip tústi.
Sol kúni Shelek aýyly PB SDTBT-da QR QK 293-babynyń 3-bóligi "Buzaqylyq" boıynsha qylmystyq is tirkeldi.
"Tergeý barysynda zardap shekken adam men 1988 jylǵy I. esimdi azamat arasynda Naýryz merekesi ótken aýyldyń shetinde aýyzsha janjal týyp, tóbeleske ulasqan, sońǵysy densaýlyqqa zıan keltirý úshin arnaıy beıimdelgen zatty paıdalanyp, A. esimdi azamatqa dene jaraqatyn salǵan", - delingen habarlamada.
21 naýryz kúni azamat A. emdelip jatqan medısınalyq mekemede oryn alǵan 1990, 1994, 1996 jáne 1997 jylǵy tórt adamnyń zańsyz áreketteri vıdeoǵa túsirilgen.
Joǵaryda atalǵan adamdar men qylmystyń negizgi fıgýranty ustalyp, qamaqqa alyndy. Qazir jábirlenýshige qatysty sot-medısınalyq saraptama taǵaıyndaldy. Tergeý organy istiń barlyq mán-jaıyn anyqtaý úshin tergeý júrgizip jatyr.