Almaty oblysynda jol qaýipsizdigin qamtamasyz etý jáne jol-kólik oqıǵalarynyń aldyn alý maqsatynda polısıa qyzmetkerleri túngi patrúldeýdi kúsheıtti, dep habarlaıdy aqshamnews.kz.
Polisia.kz-tiń málimetinshe, profılaktıkalyq is-sharalar jol-kólik oqıǵalarynyń aldyn alý, kólik tártibin jaqsartý, júrgizýshilerdiń jol qozǵalysy erejelerin saqtaýdaǵy turaqty daǵdylaryn damytý jáne buzýshylyqtar úshin jaýapkershiliktiń bultartpastyǵyn eske salý maqsatynda júrgiziledi.
– Joldaǵy eń qaýipti buzýshylyqtardyń biri - mas kúıinde kólikti basqarý jaǵdaılaryn anyqtaýǵa erekshe nazar aýdaryldy. Reıdterdiń nátıjesinde oblys ortalyǵynyń kóshelerinde júrgizilgen reıdter nátıjesinde mas kúıinde kólik júrgizgen bes júrgizýshi ustaldy, – dep atap ótti polısıa qyzmetkerleri.
Jyldamdyq normalarynyń saqtalýyn, basyp ozý erejelerin, jaıaý júrginshiler ótkelderi arqyly júrýin qadaǵalaýǵa, sondaı-aq jol qozǵalysyna qatysýshylarǵa qaýip tóndiretin júrgizýshilerdi anyqtaýǵa erekshe nazar aýdarylady. Patrúldik ekıpaj jol-kólik oqıǵalary jıi bolatyn ýchaskelerde, adamdar kóp shoǵyrlanatyn jerlerde jáne qala syrtyndaǵy trassalarda qyzmet atqarýda. Jumys barlyq quqyq buzýshylyqtarǵa jedel áreket etip, yqtımal oqıǵalardyń aldyn alýǵa baǵyttalǵan.
– Túngi reıdterdi kúsheıtý sharalarynyń basty maqsaty – jazalaý emes, aldyn alý: júrgizýshilerge jol erejelerin saqtaý, kólikti basqarý kezinde asa muqıat ári jaýapty bolý qajettiligi eskertiledi, – dep tolyqtyrdy vedomstvoda.
Óńirlik polısıa barlyq jol qozǵalysyna qatysýshylardy jol erejelerin qatań saqtaýǵa jáne jol qaýipsizdigi árbir adamnyń jeke jaýapkershiliginen bastalatynyn este saqtaýǵa shaqyrady.