Almaty oblysynyń tótenshe jaǵdaılar departamenti aldaǵy kúnderi oblys aýmaǵynda aýa raıy 42 gradýsqa jetetinin eskertti, dep habarlaıdy Almaty-akshamy.kz.
Vedomstvonyń málimetinshe, Qazgıdromettiń 17 shildedegi daýyldy eskertýi negizinde Almaty oblysynyń soltústiginde, ońtústiginde, ortalyǵynda 18-19 shilde kúnderi tústen keıin 42 gradýs qatty ystyq bolýy múmkin.
Sondaı-aq 18-20 shilde arasynda joǵary órt qaýpi saqtalady. Qonaev qalasynda 18-19 shildede tústen keıin 40-42 gradýs qatty ystyq bolýy yqtımal.
«Almaty oblysynyń TJD azamattardy aýa raıynyń ózgerýin baqylaýǵa jáne saqtyq sharalaryn saqtaýǵa shaqyrady. Sizdiń aımaǵyńyzdaǵy daýyldy eskertýler jáne basqa da shuǵyl aqparat týraly jedel aqparat alý úshin «Darmen» tegin mobıldi qosymshasyn júkteı alasyz», - dep eskertti vedomstvodan.