Jol qozǵalysyna shekteýler joq.
21 naýryz kúni saǵat 21:00 shamasynda kúnniń jylynýy men qardyń tez erý saldarynan Kegen-Narynkól tas jolynyń 60 km (40 m) jáne 72 km (40 m) (Qaınar jáne Tekes aýyly, Raıymbek aýdany, IV sanat) jol bóliginde sý tasqyny oryn aldy, dep habarlaıdy almaty-akshamy.kz “QazAvtoJol” UK baspasóz qyzmetine silteme jasap.
Aqparatqa sáıkes, jalpy sý aǵynynyń uzyndyǵy 80 m, al bıiktigi 10 sm qurady.
“Kórsetilgen ýchaskege dıametri 1 m bolatyn sý ótkizgish qubyr ornatyldy. Jaǵdaıdy qalypqa keltirý úshin 10 qyzmetker men 4 tehnıka jumyldyryldy. Qazirgi tańda erigen sýdy aǵyzý, ýaqytsha jol belgilerin ornatý jáne jol bóligin tazalaý jumystary júrgizilip jatyr. Jol táýlik boıy baqylaýǵa alyndy. Jol qozǵalysyna shekteýler joq”, - delingen kompanıa taratqan habarlamada.