Qazaqstanda stend atý boıynsha reıtıńtik lısenzıalyq álem kýbogy ótip jatyr
Uıymdastyrýshylar qatarynda Qazaqstan Respýblıkasy mádenıet jáne sport mınıstrligi, "Sport Qory" qoldaý qory, QR Sportty damytý dıreksıasy, Almaty qalasy jáne Almaty oblysy ákimdikteri, Almaty oblysynyń dene shynyqtyrý jáne sport basqarmasy, Qazaqstandyq sporttyq atý federasıasy bar, dep habarlaıdy Almaty-akshamy.kz.
Sharanyń saltanatty ashylýyna qatysqan Almaty oblysynyń ákimi Marat Sultanǵazıev ótkizilip otyrǵan jarystyń bolashaqta joǵary dárejeli sportshylardy daıyndap tárbıeleýge úlken septigin tıgizetinine senim bildirip, sharanyń mańyzdylyǵyna toqtaldy.
«Osy jarystyń Almaty oblysynda ótýi - biz úshin úlken mártebe. Bul kýbokqa álemniń 42 elinen 300 sportshy qatysýda. Búginde oblys sportshylary júldeli oryndy ıelenýde, mysaly, áıelder arasynda Orynbaı Ásem İİİ oryndy, erler arasynda Eshenko Edýard İİİ oryndy, jastar arasynda Nurlanova Anıta İ oryndy ıelengen. Osyndaı is-sharany uıymdastyrǵan Qazaqstan Respýblıkasy Atys sporty federasıasyna, Azıa oq atý sporty konfederasıasynyń prezıdenti sheıh Salman Al-Sabahqa, Halyqaralyq oq atý sporty federasıasynyń prezıdenti Lýchano Rossınge alǵysymdy bildiremin, sondaı-aq kórsetken qoldaýy úshin Asylov Berik Noǵaıulyna erekshe alǵys bildirsin. Bul saıys naǵyz jeńimpazdy anyqtasyn», - dedi óńir basshysy óz ózinde.
Sondaı-aq, sharada óńir basshysy Almaty oblysynyń sportshylary páter kiltterin tabystaldy.
Stend atýdan Qazaqstan Respýblıkasynyń halyqaralyq dárejedegi sport sheberleri Orynbaı Ásem Maratqyzy men Eshenko Edýard Andreevıchqa «Gate City» turǵyn-úı kesheninen 2 bólmeli páter tabystaldy.
Ashylý saltanatynda stend atýdan halyqaralyq federasıanyń (ISSF) prezıdenti Lýchıano Rossı barsha jurtty saltanatty ashylý rásimimen quttyqtap, jattyqtyrýshylarǵa, sportshylarǵa, sharany uıymdastyrýshylarǵa alǵysyn bildirdi.
"Qazaqstan máńgilik júregimde qalady. Túrli elderdiń federasıalaryna alǵysymdy bildiremin. Bul doda dostyqty da nyǵaıtady", - dedi Lýchıano Rossı.
Shara 20-29 mamyr aralyǵynda Almaty oblysyndaǵy Aleksandr Asanov atyndaǵy atý klýbynda uıymdastyrylady.
Stend atý boıynsha álem kýbogyna qatysýshylardyń atalmysh jarysta sporttyq reıtıńti ISSF kestesi boıynsha kóterýge jáne Fransıadaǵy 2024 jylǵy XXXIII Jazǵy Olımpıada oıyndaryna joldama alýǵa múmkindigi bar.
Esterińizge salaıyq, Aleksandr Asanov atyndaǵy klýb tarıhynda bedeldi saıystar az emes. Mysaly, 2009, 2013, 2015, 2019 jyldardaǵy Azıa chempıonattary, 2014 jáne 2021 jyldary álem kýboginiń (ISSF) kezeńi, 2022 jyly X Azıa chempıonaty jáne ISSF Gran-prıi osy ǵımaratta ótken.