Ol shekarashylarǵa qarýly qarsylyq kórsetken.
Kegen aýdanynyń shekarashylary memlekettik shekarany zańsyz kesip ótken sheteldik azamatty ustady, dep habarlaıdy Almaty-akshamy.kz Ulttyq qaýipsizdik komıteti Shekara qyzmetiniń baspasóz qyzmetine silteme jasap.
Ulttyq qaýipsizdik komıtetiniń baspasóz qyzmetiniń málimetinshe, oqıǵa 24 tamyz kúni keshke İle Alataýy jotasynyń taý shatqaldarynyń birinde bolǵan.
Aıta ketetini, atalǵan aýdan Qytaımen shektesedi.
«Tártip buzýshy shekarashynyń aıqaılap aıtqan toqtaý jáne qujattardy kórsetý týraly talabyn estip, ańshy myltyǵynan áskerılerge oq jaýdyryp, qarsylyq kórsetip, izin jasyrýǵa tyrysqan», – dep jazylǵan habarlamada.
Ustalǵan azamatqa qatysty qylmystyq is qozǵaldy.
«Shekarashylardyń ómiri men densaýlyǵyna eshqandaı zıan kelgen joq, olar shekaranyń taýly ýchaskesinde qyzmetin jalǵastyrdy. Ustaý kezinde kórsetken batyldyqtary pen tabandylyqtaryn eskere otyryp, áskerı qyzmetshilerdi kótermeleý máselesi sheshilýde», - dep jazylǵan habarlamada.