2 mamyrǵa arnalǵan aýa raıy boljamy

Sınoptıkter Qazaqstan aýmaǵynda 2023 jyldyń 2 mamyryna arnalǵan aýa raıy boljamyn usyndy, dep habarlaıdy Almaty-akshamy.kz.

«Qazgıdromet» RMK aqparatyna sáıkes, batysta, ońtústik-batysta jańbyr jaýady, Mańǵystaý oblysynda kúndiz qatty jańbyr jaýady, shyǵysta jáne ońtústik-shyǵystyń taýly aımaqtarynda jańbyr, qar jaýady. Almaty oblysynda da aýa temperatýrasynyń kúrt tómendep, qatty jaýyn-shashyn jaýyp, arty qarǵa ulasýy múmkin.  

«Jalpy, el aýmaǵynda jel kúsheıip, respýblıkanyń batysynda, ońtústiginde, ońtústik-shyǵysynda kún kúrkirep, ońtústik-shyǵystyń taýly aımaqtarynda burshaq jaýýy múmkin, soltústik pen shyǵysta tuman, ońtústik-batys pen ońtústikte daýyl kútiledi», - delingen habarlamada.

Boljam boıynsha túnde Aqmola, Pavlodar, Soltústik Qazaqstan, Qaraǵandy ​​oblystarynda, Almaty oblysynyń taýly aımaqtarynda 1-6 gradýs, Qostanaıdyń soltústik-shyǵysynda, Ulytaýdyń soltústiginde, taýly aımaqtarynda 1-6 gradýs úskirik bolady dep boljanýda.