Profılaktıkalyq is-sharalardyń 3 kúninde Almaty oblysynyń tártip saqshylary 2799 ákimshilik quqyq buzýshylyqtyń jolyn kesti.
«Polısıa qyzmetkerleri eldi mekenderdi, ákimshilik ýchaskelerdi jáne saıajaı massıvterin patrúldeýge kóp kóńil bóldi. JPİSH sheńberinde esepte turǵan 2011 adam, onyń ishinde shartty túrde merziminen buryn bosatylǵanm – 297, ákimshilik qadaǵalaýǵa jatatyn – 368, probasıa qyzmetinde – 619 adam, erekshe talaptar belgilengen 168 adam jáne qorǵaý nusqamasy shyǵarylǵan 381 adam tekserildi», – dep atap ótti PD JPQB bastyǵy Murat Qalıasqarov.
Buryn jasalǵan 14 qylmys ashyldy, izdeýde júrgen 4 adam tabyldy. Oblys boıynsha barlyǵy 2799 ákimshilik quqyq buzýshylyq anyqtaldy, onyń ishinde qoǵamdyq oryndarda alkogóldik ishimdikter ishkeni úshin – 185, kámeletke tolmaǵandardyń túngi ýaqytta oıyn-saýyq mekemelerinde zańdy ókilderiniń erip júrýinsiz bolýy – 292, balalardy tárbıeleý jónindegi mindetterdi oryndamaýy boıynsha – 113, usaq buzaqylyq – 78.\
«QR jol qozǵalysy erejeleriniń quqyq buzýshylyqtaryn anyqtaýǵa erekshe kóńil bólindi. Máselen, 3 kún ishinde polıseıler jol qaýipsizdigi jelisi boıynsha 1030 buzýshylyqty anyqtady. Onyń ishinde jaıaý júrginshiler men jol qozǵalysynyń ózge de qatysýshylarynyń qozǵalys erejelerin buzǵany úshin – 839, mas kúıinde kólik quralyn basqarǵany úshin – 24, jaıaý júrginshilerge nemese jol qozǵalysynyń ózge de qatysýshylarynyń júrýine basymdyq bermegeni úshin – 165 adam jaýapkershilikke tartyldy», – dep tolyqtyrdy M. Qalıasqarov.
Reıd barysynda polıseıler júrgizýshilerge JQE qatań saqtaý qajettigin, qaýipsizdik beldikterin paıdalanýdyń mańyzdylyǵyn jáne ruqsat etilgen jyldamdyq rejımin saqtaýdy eske saldy.