Sotqa deıingi tergeý bastaldy.
Almaty oblysynda mopedke mingen ákeli-balaly jol apatyna ushyrap, qaıǵyly jaǵdaı oryn aldy, dep habarlaıdy Almaty-akshamy.kz
Qaıǵyly oqıǵa 2 shildede Qarasaı aýdany Jibek joly aýylynda saǵat 21:00 shamasynda bolǵan.
Aldyn ala málimetter boıynsha, 1981 jylǵy er adam aýyl kósheleriniń birinde motosıkl júrgizip kele jatyp, rólge ıe bola almaı ǵımarattyń qorshaýyna soǵylǵan.
"Jol apaty saldarynan júrgizýshi men onyń 2017 jyly týǵan kishkentaı qyzy túrli dene jaraqattarymen aýrýhanaǵa jetkizildi, degenmen onda qyz bala esin jımastan kóz jumdy", delingen Almaty oblysy PD baspasóz qyzmeti taratqan aqparatta.
Bul fakt QR QK 345-baby 3-bóligi boıynsha Qarasaı aýdanynyń PB-da tirkeldi.
Barlyq qajetti saraptama taǵaıyndala otyryp, sotqa deıingi tergeý bastaldy.