Almaty oblysynda ótken aptada kóshi-qon zańnamasyn buzǵany úshin 270 sheteldik azamat anyqtaldy.
Tekserý nátıjesinde olardyń 14-i Qazaqstan aýmaǵynan shyǵaryldy, dep habarlaıdy aqshamnews.kz Polisia.kz-ke silteme jasap.
– Biz kóshi-qon salasyndaǵy quqyq buzýshylyqtardy anyqtaý jáne aldyn alý boıynsha júıeli jumystar júrgizýdemiz. Bul is-sharalardyń negizgi maqsaty – quqyqtyq tártipti qamtamasyz etip, azamattardyń qaýipsizdigin saqtaý. Elimizdiń aýmaǵynda bolýdy josparlaǵan sheteldikter belgilengen erejelerdi qatań saqtaýy qajet, – dep málimdedi oblystyq kóshi-qon qyzmeti basqarmasynyń ókilderi.
Deportasıanyń negizgi sebepteri – zańsyz eńbek qyzmetimen aınalysý, elde bolý merzimin asyrý jáne ákimshilik qadaǵalaýdan jaltarý. Sonymen qatar kóshi-qon zańnamasyn buzǵany úshin Qazaqstannyń 119 azamaty da ákimshilik jaýapkershilikke tartyldy. Quqyq qorǵaý organdary shetel azamattaryna kóshi-qon zańnamasynyń talaptaryn buljytpaı oryndaýǵa, qajetti qujattardy ýaqytyly rásimdeýge shaqyrady. Eger qandaı da bir suraqtar týyndasa, jaqyn mańdaǵy kóshi-qon polısıasy bólimshesine júginýge keńes beredi.