Almaty qalasy, Almaty jáne Jetisý oblystary boıynsha QAJD №12 mekemege áıel adam psıhotroptyq zattardy dári-dármek ishine jasyryp, taksı arqyly jiberip ótkizbekshi boldy.
№12 mekeme qyzmetkerleri sálemdemeni tekserý kezinde tyıym salynǵan zattardy ótkizý faktisiniń aldyn aldy, dep habarlaıdy Almaty-akshamy.kz Polisia.kz-ke silteme jasap.
Dári-dármek ishinen paketke oralǵan, bes erekshe ıisi bar untaq salynǵan túıinshek tárkilendi. Aldyn ala boljam boıynsha tárkilengen untaq psıhotroptyq zatqa uqsas. Kúdiktiniń aıtýynsha, ıandeks qosymshasy arqyly áıel adamnan jetkizýge usynys alǵan, dári-dármek ishinde psıhotroptyq zattardyń baryn bilmegen. Alaıda bul jaǵdaı ony jaýapkershilikten bosatpaıdy.
«Anyqtalǵan fakt boıynsha polısıa departamentiniń jedel-tergeý toby shaqyrylyp, tárkilengen untaqtarǵa arnaıy saraptama taǵaıyndaldy. Qazirgi ýaqytta berip jibergen áıeldiń de tulǵasy anyqtaldy», – dep atap ótti mekeme bastyǵynyń orynbasary Serikbol Bahtıarov.