Kún saıyn oblysta júzge jýyq náreste dúnıege keledi.
Qazirgi ýaqytta óńirdegi jalpy halyq sany bir jarym mıllıon adamnan asty. Týý kórsetkishine analardy áleýmettik jaǵynan qoldaý da oń áser etip otyr, dep habarlaıdy Almaty-akshamy.kz 24.kz-ke silteme jasap.
Mıra Sadyqova - kóp balaly ana. Qazir altynshy balasyn kútip júr. Otbasymen eki bólmeli páterde turady. Prezıdenttiń bala kútimine beriletin áleýmettik járdemniń jáne alty aıǵa uzartylǵanyn biledi. Merzimimen birge kólemi de artsa degen úmitte.
«Bir jasqa deıin alatynbyz. Ulǵaıtypty. Ol kómek qoı kádimgideı balaǵa. Memleket tarapynan kóp balaly ana retinde ár balaǵa on segiz jasqa deıin járdemaqy alamyn», - dedi qala turǵyny Mıra Sadyqova.
Oblystyq jumyspen qamtý basqarmasynyń málimetinshe, óńirde 44 myńnan astam ana bala kútimine beriletin memlekettik járdemaqy alady.
«Járdemaqyny tóleý merzimi kóbeıtilip otyr jáne buryn mundaı kezde jumysqa adam shyǵyp ketse bir jyldan keıin járdemaqysy toqtatylatyn. 23 jyldyń birinshi qańtarynan bastap jumys istese de, istemese de, járdemaqysyn alyp otyrady», - deıdi oblystyq jumyspen qamtý jáne áleýmettik baǵdarlamalar basqarmasynyń basshysy Aıgúl Ahmetova.
Jyl basynan beri Almaty oblysynda jıyrma myń náreste dúnıege kelgen. Bul respýblıka boıynsha joǵarǵy kórsetkish sanalady. Sol sebepti Qonaev qalasynda perınataldyq ortalyq salý qajet. Al qalalyq kópsalaly aýrýhananyń perzenthanasynda kún saıyn on bala týylady. Egiz bosanyp jatqan analar da bar. Olarǵa bilikti akýsher mamandar jan jaqty kómegin kórsetip jatyr.
Zamanaýı medısınalyq quraldarmen jabdyqtalǵan perzenthanany Qarasaı aýdanynda da salý josparlanyp otyr. Ótken jyly aýdanda segiz myń bala dúnıe esigin ashty.