Almaty oblysynyń prokýrory Berik Adamov Oı-Karaǵaı shatqalynda sharýashylyq ıelerimen kezdesip, fermerlik sharýashylyqtardyń damýyna kedergi keltiretin máselelerdi talqylady. Kezdesýge depýtattar, ákimdik ókilderi, agrokredıttik uıymdar men fermerler qatysty, dep habarlaıdy aqshamnews.kz.
Prokýratýra birneshe kompanıanyń sý baǵasyn negizsiz kótergenin anyqtady. Bul óńirdegi fermerlerge úlken zıan keltirdi. «Talǵarırrıgasıa», «Balqashırrıgasıa», «Kólsaıırrıgasıa» jáne «Úshqonyrırrıgasıa» kompanıalary sý tasymaldaý, jabdyqtardy kútý jáne salyqtar boıynsha shyǵyndardy kóterip, fermerlerge arnalǵan sý qunynyń tym joǵary bolýyna sebep bolǵan.
Prokýratýranyń aralasýynan keıin tarıfter tómendetilip, bir tekshe metr sý baǵasy 38%-ǵa arzandady. Bul óńirdegi 1300 aýylsharýashylyq óndirýshileriniń múddelerin qorǵaýǵa jáne shyǵyndardyń ósý jaǵdaıynda qoldaýǵa múmkindik berdi. Kináliler tártiptik jaýapkershilikke tartyldy.
Sonymen qatar, eginshiler dándi jınaý maýsymyndaǵy dızel otynynyń baǵasynyń ósýin jáne ónimdi satý qıyndyqtaryn atap ótti. Mysaly, ótken jyly jáne bıylǵy jyldyń basynda naryq tapshylyǵyna baılanysty 11 myń tonna pıazdy joıýǵa týra keldi, al júgeri baǵasy eki esege tómendegen.