Almaty oblysynda er adam aǵysy qatty taýdaǵy ózenge batyp ketti, dep habarlaıdy aqshamnews.kz.
Bul týraly QR TJM jedel-qutqarý otrády habarlaǵan.
«Jedel-qutqarý otrády marqumnyń denesin sýǵa túsken jerinen 1 km qashyqtyqtan tapty. Denesi shyǵaryldy. Polısıa qyzmetkerlerine tabystaldy», — delingen habarlamada.
Málim bolǵandaı, Almaty oblysy Qarasaı aýdanyndaǵy Qaskeleń shatqalynda 1961 jyly týǵan azamat otbasy sondaı-aq dostarymen birge demalyp júrgen. Sýǵa túsip, sergigisi kelgen azamatty ózenniń qatty aǵysy alyp ketken.