Oqıǵa ornyna dereý aýdannyń jedel qyzmetiniń kúshteri men quraldary jiberildi
İle aýdanynyń ortalyǵy Ótegen batyr kentindegi eki mektepke bomba qoıylǵany týraly habarlama tústi. Qazirgi ýaqytta mektep aýmaǵy qorshalyp, balalar men muǵalimder tolyq evakýasıalandy, dep habarlaıdy Almaty-akshamy.kz Almaty oblysy İle aýdany ákiminiń baspasóz qyzmetine silteme jasap.
Almaty oblysy İle aýdany ákiminiń baspasóz qyzmeti áleýmettik jelide Ótegen batyr kentiniń eki mektebinde bomba qoılyǵany týraly aqparat jarıa etti.
Ákimdiktiń málimetinshe, 22 qyrkúıekte İle aýdandyq polısıa basqarmasynyń kezekshi bólimine Ótegen batyr kentindegi № 7, № 13 mektepterine jarylǵysh zattyń qoıylǵany týraly habarlama túsedi. Oqıǵa ornyna dereý aýdannyń jedel qyzmetiniń kúshteri men quraldary jiberildi.
«Qazirgi ýaqytta mektep aýmaǵy qorshalyp, balalar men muǵalimder tolyq evakýasıalandy. İs-sharalar algorıtmge sáıkes júrgizilýde. Qosymsha aqparat is-sharalar aıaqtalǵan soń beriledi. İle aýdany Ótegen batyr aýylynyń turǵyndary men qonaqtaryn sabyrlyq saqtap, úreılenbeýge shaqyramyz», - delinedi ákimdik habarlamasynda.