Mıgrasıalyq polısıa sheteldikterdi tirkeýden bastap, kóshi-qon zańnamasynyń saqtalýyn baqylaýǵa deıingi keń aýqymdy mindetterdi qamtıdy.
Bıylǵy jyldyń basynan bastap Almaty oblysynda 4,5 myńnan astam sheteldik Qazaqstan azamattyǵyn aldy, dep habarlaıdy aqshamnews.kz
«Osy kezeńde óńirde 73 545 sheteldik azamat tirkelip, 2639 vıza berildi. Kóshi-qon zańnamasyn buzǵany úshin 9653 adam jaýapqa tartyldy, olardyń 6803-i – shetel azamattary, al 2830-y – Qazaqstan azamattary. El aýmaǵynan 389 sheteldik shyǵarylyp, 8301 adamǵa aıyppul salyndy, al 489 adam ákimshilik tártippen qamaýǵa alyndy. Kóshi-qon zańnamasyn buzýǵa baılanysty 23 qylmystyq is qozǵaldy», – dep málimdedi Almaty oblysy PD KQQB bastyǵy Rústem Jaryqbasov.
Kóshi-qon zańnamasyn buzýmen kúresýge erekshe kóńil bólinedi. Anyqtalǵan tártip buzýshylardyń 80%-dan astamy – shetel azamattary. Kóshi-qon qyzmeti sheteldik jumys kúshin zańsyz tartýdyń aldyn alý úshin jumys berýshilermen jáne jergilikti turǵyndarmen tyǵyz yntymaqtastyqta jumys isteıdi.
«Sonymen qatar 11 aıdyń ishinde 4551 adam Qazaqstan Respýblıkasynyń azamattyǵyn aldy. Bul kórsetkish elge turaqty meken retinde qyzyǵýshylyqtyń artyp kele jatqanyn kórsetedi», – dep qosty R. Jaryqbasov.