Qazgıdromet 22 tamyzǵa aýa raıy boljamyn jasady, dep habarlaıdy Almaty-akshamy.kz
22 tamyz kúni atmosferalyq frontaldy bólikterdiń ótýimen elimizdiń basym bóliginde qubylmaly kún raıy saqtalady, onymen naızaǵaı, daýyl, ekpindi jel kútiledi. Soltústik aýmaqta túnde qatty jańbyr jaýsa, shyǵysta jaýyn-shashynsyz aýa raıy boljanady. Sondaı-aq respýblıkanyń soltústiginde, soltústik-batysy men batysynda túngi jáne tańerteńgi saǵattarda tumandy bolady..
Kúndiz Jetisý, Ulytaý, Atyraý, Almaty, Mańǵystaý oblystarynda, Batys Qazaqstan, Qostanaı oblystarynyń ońtústiginde, Aqtóbe oblysynyń ońtústiginde, batysynda 35-40°S qatty ystyq kútiledi.
Mańǵystaý, Aqtóbe, Jambyl, Qyzylorda oblystarynda, Qostanaı oblysynyń ońtústiginde, Jetisý oblysynyń batysynda, ortalyǵynda, Túrkistan oblysynyń soltústiginde, batysynda, ońtústiginde, shóldi aýdandarynda, Atyraý oblysynyń batysynda, ońtústiginde, shyǵysynda órt tutaný qaýpi asa joǵary.
Batys Qazaqstan oblysynyń ońtústiginde, ortalyǵynda joǵary órt qaýpi kútiledi, oblystyń soltústiginde, batysy men shyǵysynda órt shyǵý qaýpi asa joǵary.
Almaty oblysynyń ońtústik jartysynda joǵary órt qaýpi saqtalady, soltústik jartysynda ot shyǵý qaýpi asa joǵary.
Ulytaý oblysynyń soltústiginde, shyǵysynda, ońtústiginde, Soltústik-Qazaqstan oblysynyń ońtústiginde, Aqmola oblysynyń batysynda, soltústiginde, ońtústiginde joǵary órt qaýpi boljanady.