Eske alý sharasyna QR Mádenıet jáne sport mınıstrliginiń jáne Almaty qalasy ákimdiginiń ókilderi, qoǵam qaıratkerleri, N.Tilendıevtiń týystary qatysady.
Búgin Jambyl atyndaǵy Qazaq memlekettik fılarmonıasynyń Kameralyq zalyna KSRO Halyq artısi, Halyq qaharmany Nurǵısa Atabaıuly Tilendıevtiń esimin berý saltanatty rásimine oraı memorıaldy taqtanyń ashylýy jáne kompozıtordy eske alý keshi ótedi, dep habarlaıdy Almaty-akshamy.kz
Memorıaldy taqtanyń saltanatty ashylýynan keıin Kameralyq zalda N.Tilendıev atyndaǵy memorıaldy mýzeıiniń eksponattar kórmesi qoıylady.
Sonymen qatar, saǵat 19:00-de fılarmonıanyń úlken zalynda N.Tilendıev atyndaǵy akademıalyq fólklorly-etnografıalyq «Otyrar sazy» orkestri men B.Baıqadamov atyndaǵy memlekettik hor kapelasy mereıtoılyq konserttik baǵdarlamasyn usynady.
