Almaty metrosynda bir adam relske qulap, qaza tapty. Ókinishke qaraı, ony aman alyp qalý múmkin bolmady. Bul týraly metropolıtenniń baspasóz qyzmeti habarlady.
«Oqıǵa ornynda medısınalyq qyzmetkerler men polısıa jumys istep jatyr. Metropolıten shtattyq rejımde jumysyn jalǵastyrýda, alaıda tergeý aıaqtalǵanǵa deıin «Abaı» stansıasyna kirý ýaqytsha jabylady. Osy stansıada poıyzdar toqtamaıdy», — dep jolaýshylarǵa eskertý jasaldy.
Oqıǵa ornyna polısıa men jedel járdem qyzmetkerleri shuǵyl jetti.
«Tergeý júrgizilýde. Jazataıym oqıǵa saldarynan 26 jastaǵy kórý qabileti nashar er adam qaıtys boldy. Oqıǵanyń mán-jaıy anyqtalýda», - dedi Almaty Polısıa departamenti