Poıyzda 235 jolaýshy bolǵan.
Almatyǵa bara jatqan jolaýshylar poıyzynan órt shyǵyp, jol boıynda toqtaýǵa týra kelgen, dep habarlaıdy Almaty-akshamy.kz «Qazaqstan temir joly» UK baspasóz qyzmetine silteme jasap.
«2023 jylǵy 3 aqpan saǵat 21:57-de Qaraǵandy oblysynyń «Arshaly – Anar» temirjol ýchaskesinde quramnyń sońyndaǵy tehnıkalyq vagonnan órt shyqty. Saldarynan №105/106 «Petropavl – Almaty» poıyzynyń qozǵalysy toqtatyldy. Poıyzda 235 jolaýshy bolǵan», – delingen resmı aqparatta.
Qazirgi ýaqytta órt sóndirildi jáne qurban bolǵandar nemese zardap shekkender joq.
«Jolaýshylardy Almatyǵa jetkizý úshin Astanadan jeti kýpeli jáne bir plaskart vagonnan turatyn poıyz jiberildi», - deıdi vedomstvodan.
Arnaıy komısıasy oqıǵanyń jaı-japsaryn anyqtaýǵa kiristi.
«Jolaýshylarǵa júk jáne temirjolmen poshta jóneltilimderin tasymaldaý qaǵıdalaryna sáıkes, jol júrý qunynyń aıyrmasy tólenedi», - deıdi ulttyq kompanıanyń baspasóz qyzmetinen.