Qalalyq memlekettik kirister organdarynda 300 myńnan astam kásipkerlik sýbektileri tirkelgen
Óńirlik komýnıkasıalar qyzmetiniń alańynda Almaty qalasy Memlekettik kirister departamenti memlekettik qyzmetter basqarmasynyń basshysy Baqtygúl Seıtova sóz sóıledi. Ol búdjetti tolyqtyrýmen qatar, memlekettik kirister organdarynyń basym mindetteriniń biri memlekettik qyzmetterdiń sapasyn qamtamasyz etý bolyp tabylatynyn atap ótti, dep habarlaıdy Almaty-akshamy.kz.
B.Seıtovanyń aıtýynsha, qalalyq memlekettik kirister organdarynda 300 myńnan astam kásipkerlik sýbektileri tirkelgen, bul degenińiz - 1 990 630 salyq tóleýshi jeke tulǵa.
Memlekettik kirister organdary memlekettik qyzmetterdiń 44 túrin kórsetedi, olardyń basym bóligi avtomattandyrylǵan. Qaǵaz júzinde tek 4 qyzmet qana kórsetiledi.
Almaty qalasy boıynsha Memlekettik kirister departamentiniń halyqqa qyzmet kórsetý basqarmasynyń basshysy Baqtygúl Seıtova 2022 jyldyń 7 aıynda olardyń mamandary 1 959 973 qyzmet kórsetkenin, onyń 1 940 876-sy nemese 99,02%-y elektrondy túrde ekenin aıtty.
«Bizdiń mindetimiz – qashyqtan formatta sapaly jáne ýaqytyly memlekettik qyzmet kórsetý. Bul úshin elektrondy memlekettik qyzmetterdiń sany artyp keledi. Sonymen qatar, bul da - kórsetiletin qyzmetti alýshy men qyzmet kórsetýshi arasyndaǵy baılanysty múmkindiginshe boldyrmaı, sybaılas jemqorlyqqa qarsy is-qımyldyń mańyzdy aspektisi», - dedi ÓKQ spıkeri.
Qaǵaz aınalymyn jáne jeliden tys kelýdi azaıtý úshin bólim ómirlik jaǵdaılardy jáne qıyndyq týdyratyn jáne úshinshi tulǵalarǵa qoldanylatyn jaǵdaılardy eskere otyryp, kórsetiletin qyzmetti alýshylarǵa memlekettik qyzmetti alý boıynsha qysqasha nusqaýlyqtar ázirledi.
«Toqsan saıynǵy negizde salyq tóleýshilerge elektrondyq poshtanyń mekenjaılary men What' ѕ Arr nómirleri boıynsha salyq eseptiligin aldyn ala usyný týraly aqparattyq hattar jiberiledi. Biz júrgizgen saýalnamaǵa sáıkes, azamattardyń basym bóligi áleýmettik jelilerden aqparat alady», - dep jalǵastyrdy vedomstvo basshysy.
Budan ózge, salyq organdarynyń mamandary salyq tóleýshilerdiń elektrondyq mekenjaılaryna salyq mindettemelerin oryndaý qajettigi týraly aqparat jiberedi.
Almatyda salyq tóleýshilerge qyzmet kórsetýdi jaqsartýdyń kelesi qadamy memlekettik qyzmetterdi jyldam ári ońaı kórsetýge múmkindik beretin mobıldi ortalyqtar – «Mobıldi keńse» qyzmetin engizý boldy. Mobıldi keńse qyzmet kórsetý ortalyǵynyń, ózine-ózi qyzmet kórsetý termınalynyń fýnksıonaldyǵyn jáne banktiń kasalyq pýnktinde tólemderdi qabyldaý fýnksıasyn biriktiredi.
Brıfıń sońynda Baqtygúl Seıtova osy jyly Almaty qalasynyń aýdandyq memlekettik kirister basqarmalarynda Qazaqstan Respýblıkasy Memlekettik qyzmet isteri agenttiginiń Almaty qalasy boıynsha departamentimen birlesip memlekettik qyzmetterdi alý kezinde qoldaý jáne kómek kórsetý boıynsha Qoldau aksıasy ótkizilgenin atap ótti. 4000-ǵa jýyq adam suraqtarǵa jaýap aldy.