Táýelsizdik merekesi qarsańynda Almaty qalasynyń Bilim basqarmasyna qarasty 215 mektepte aýqymdy is-sharalar kesheni uıymdastyryldy. Mektepterde mereıli merekege arnalǵan synyp saǵattary men ashyq sabaqtar ótip, kórmeler men konserttik baǵdarlamalar ótkizildi.
Taǵylymǵa toly is-sharalardyń maqsaty - oqýshylardyń elin, jerin súıip, tarıhyn qurmetteýge baǵyttaý, el egemendigi týraly jan-jaqsy túsinik berý.
Osy maqsatta bilim mekemelerinde «Táýelizdik – elimniń erlik joly», «Táýelsizdik – altyn tuǵyrym!», «Táýelsizdik - tiregim, elim dep soqsyn júregim..» taqyryptarynda tárbıe saǵattary, ádebı-mýzykalyq keshter jáne tanymal tulǵalarmen kezdesýler de uıymdastyryldy. Belgili kompozıtor Amanǵazy Káripjannyń qatysýmen mýzykalyq kesh, Qurmanǵazy atyndaǵy Qazaq ulttyq konservatorıasynda «Halyq áni» kafedrasynyń oqytýshylary, halyq ártisteri men Qazaqstannyń eńbek sińirgen qaıratkerleriniń qatysýymen ádebı-sazdy kesh ótti.
Táýelsiz elim-keń baıtaq jerim» taqyrybynda chellendj ótti.Ustazdar oqýshylarǵa qasıetti merekeniń mán-maǵynasyn, mańyzdylyǵyn, máńgilik qundylyǵyn túsindirdi.
Egemen elimizdiń tarıhı jetistiteri sóz bolǵan is-sharalarǵa oqýshylar da bar yntasymen qatysyp, joǵary dárejedegi daıyndyqtaryn kórsetti.
Sonymen qatar mereke qarsańynda «Ustaz barysy - 2023» qalalyq týrnıri ótt i. Jarysqa jalpy sany 64 ustaz qatysyp, boz kilemde sheberlikterin shyńdady. Sharada salaýatty ómir salty nasıhattalyp, ustazdar arasynda qazaq kúresi keńinen nasıhattaldy.
Jalpy qalanyń bilim berý uıymdarynda Táýelsizdik merekesin ulyqtaıtyn is-sharalar joǵary deńgeıde uıymdastyrylyp, oqýshylar men ustazdar belsendilik tanytty.
