Almaty polısıasynda mektepterdiń qaýipsizdik júıesin tekserý qalaı júrgizilgeni aıtyldy.
Tekserý qaladaǵy 214 memlekettik jáne 100 jekemenshik mektepti qamtydy, dep habarlaıdy Almaty-akshamy.kz Polisia.kz-ke silteme jasap.
«Buǵan deıin habarlanǵandaı, bilim berý uıymdarynda bilim alýshylardyń qaýipsizdigin, beınebaqylaý júıeleriniń jabdyqtalýyn, qyzmetkerler men kelýshilerdi eskertý quraldaryn, dabyl túımelerin, qaýipsizdik dabyly men fızıkalyq qaýipsizdikti tekserý boıynsha bilim basqarmasymen birlese otyryp, jalpy bilim beretin mekemelerdi zertteý boıynsha komısıa quryldy. Búgingi tańda qala mektepterinde 6739 beınebaqylaý kamerasy jumys isteıdi, olardyń basym bóligi jedel basqarý ortalyǵymen biriktirilgen. Sonymen qatar bilim berý uıymdarynda júrgizilgen tekserý qalanyń barlyq mektepterinde dúrbeleń túımeleri ornatylǵanyn jáne jumys istep turǵanyn kórsetti», – dedi Almaty qalalyq PD jergilikti polısıa qyzmeti basqarmasynyń bastyǵy Erjan Uzabaev.
Sonymen qatar E. Uzabaevtyń aıtýynsha, bilim berý mekemeleri dabyl júıesimen jabdyqtalǵan, olarda daýys zoraıtqysh júıesi bar.