«Almaty-Bishkek» avtojolynyń 18 shaqyrymynda ornalasqan jıhaz sehynda órt shyǵyp, 2 adam jeńil jaraqat aldy, dep habarlaıdy aqshamnews.kz.
Almaty oblysy TJD málimetine sáıkes, búgin 13:19-da Qaskeleń qalasyndaǵy 101 baılanys pýnktiniń jelisine matrastar óndiretin jıhaz sehynyń janǵany týraly habarlama kelip túsken.
Oqıǵa ornyna Almaty oblysy TJD-nyń kúshteri men quraldary dereý jiberilgen.
Oqıǵa ornyna kelgennen keıin jalpy aýdany 231 sh.m. matrastar shyǵaratyn jıhaz sehynyń janyp jatqanyanyqtaldy, qabyldanǵan sharalarmen órt 14:07-de joıyldy. Jalyn saldarynan eki adam jeńil jaraqat aldy. Órttiń sebebi anyqtalyp jatyr, - dep habarlady oblystyq TJD baspasóz qyzmeti.
Órtti sóndirýge Almaty oblysy TJD-nyń 27 qyzmetkeri men 9 birlik tehnıka jáne Almaty qalasy TJD-nyń 5 qyzmetkeri men 1 birlik tehnıka jumyldyryldy.