Almaty irgesindegi Qulja trassasy boıynda kólik jýý ortalyǵy órtendi, dep habarlaıdy Almaty-akshamy.kz Inform.kz-ke silteme jasap.
Almaty oblysynyń tótenshe jaǵdaılar departamenti habarlaǵandaı, 12 qarashada saǵat 21.02-de Eńbekshiqazaq aýdany Báıterek aýyly Qulja trassasynyń 27-shaqyrymynda «Arsamaqov» JK kólik jýý ortalyǵy órtke oranǵan.
«Órt saǵat 21:59-da oqshaýlanyp, saǵat 22:49-da sóndirildi. Órt sóndirý bólimshesi jetkenshe, denesin 30% kúıik shalǵan 1982 jylǵy áıel Esik qalasynyń ortalyq aýdandyq aýrýhanasyna jiberilgen. Keıin saǵat 23:10-da denesin 30% kúıik shalǵan 1996 jylǵy er adam óz betimen aýrýhanaǵa júginedi. Qazir olardyń jaǵdaıy aýyr, reanımasıa bólimshesinde jatyr», - dep habarlady vedomstvonyń baspasóz qyzmetinen.
