Táýelsizdigimizdiń altyn besigi, mádenıetimiz ben ónerimizdiń máıegi, qarjy men kásipkerliktiń qýatty ortasy bolyp otyrǵan shaharymyz Almatynyń «Qala kúni» merekesi zor mánge ıe. Osy merekege oraı alyp Alataýdyń alabyndaǵy aıshyqty «Alataý» dástúrli óner teatry ónerpazdarynyń ǵasyrlardan tartyp búgingi kúnge jetken ulttyq ónerimizdiń asyl jaýharlaryn pash etetin syrly áýendi, ásem sazdy qoıylym-konsertterin 9-16 qyrkúıek kúnderi aralyǵynda qalamyzdyń turǵyndary men qonaqtaryna tartý etti.
«Qala kúnin» atap ótýge arnalǵan merekelik sharalardyń sherýi 9-shy qyrkúıekte «Babalar izimen» serıasy boıynsha ulttyq aspaptarǵa arnalǵan sheberlik saǵattary «Alataý» etnofolklorlyq ansambliniń artısi Dastan Qazkenovtiń «Qazaq halyq aspaptarynyń erekshelikteri» atty sheberlik dárisimen bastaldy.
Dáriste orta mektep oqýshylaryna teatrymyzdyń ónerpazdary men etno-folklorlyq ansámbl músheleri mádenı mura sanalatyn ulttyq aspaptarymyzdyń shyǵý tarıhy men erekshelikteri jaıynda habar beredi.
10-shy qyrkúıekte Teatrdyń «Kórý jáne estý múmkindigi shekteýli jandardyń mádenı demalysyn uıymdastyrý» bóliminiń «Armandastar» ansambli «Almaty júregimde» atty merekelik qaıyrymdylyq konsertin «Aqqaıyń» jáne «Kóktem» saýyqtyrý keshenderinde ótkizgen bolatyn.
11-16 qyrkúek kúnderi «Alataý» dástúrli óner teatrynyń artıseri «Almaty aıaldamasy» atty merekelik mobıldi konsertik baǵdarlamasymen arnaıy avtobýsta qalamyzdyń tarıhı mańyzy bar oryndary men negizgi kóshelerin aralap shyqty.
Qalamyzdaǵy tarıhı mańyzy bar oryndar men negizgi kóshelerin qamtyp, etno-mádenı konsertpen qala turǵyndaryna merekelik kóńil-kúı syılaıdy.
Dýmandy «Avtobýs» aralaǵan meken-jaılar: 11-qyrkúıek: Tuńǵysh Prezıdent saıabaǵy; «Almaty-2» temirjol vokzaly; Abaı atyndaǵy Qazaq Ulttyq opera jáne balet teatry; «Atakent» alańy; «Alataý» dástúrli óner teatry alańy.
12-qyrkúıek: «Almaty-1» temirjol vokzaly; Gúlder saıabaǵy; S. Seıfýllın saıabaǵy; «Aq-bulaq» yqsham aýdany.
14-qyrkúıek: Kók-Tóbe; «Abaı» alańy; «Astana» alańy; 28 Panfılovshylar saıabaǵy.
15,16-qyrkúıek: Ortalyq stadıon; Sırk; «Sas» atyndaǵy balalar jáne jasóspirimder teatry; «Aq-bulaq» yqsham aýdany; «Alataý» dástúrli óner teatry alańynda óner kórsetti.
11 qyrkúıekte «Alataý» dástúrli óner teatrynyń aldynda «Asyl Qazyna» atty dástúrli án-kúıler negizindegi mýzykalyq konserti ótken bolatyn. Sahnada Ramazan Stamǵazıev, Sáýle Janpeıisova, Erkin Shúkiman, Amangeldi Kúzeýbaı jáne basqa da dástúrli ánderdi oryndaýshy halyqqa tanymal, belgili ánshi-kúıshiler óner kórsetti.
«Alataý» dástúrli óner teatrynyń alańynda Almatylyqtardy Qala kúnimen alǵashqylardyń biri bolyp aty ańyzǵa aınalǵan «Dos-Muqasan» ansambli quttyqtady. Almaty turǵyndary men qonaqtaryna arnalǵan «Almaty túni» atty qoıylym-konsertte «Alataý» dástúrli óner teatrynyń ártisteri merekelik kóńil-kúı syılady.
Almaty qala kúnine oraı uıymdastyrylǵan «Saǵyndym Almatymdy» atty «MýzArt» toby men «Alataý» dástúrli óner teatry ártisteriniń qatysýymen ótken merekelik konsert Teatr alańynda kórermenderdi qýanyshqa bóledi.
12 qyrkúıek kúni «Alataý» dástúrli óner teatry artıseri men elimizdiń eń tanymal etno-rok toby «Ulytaý» tobynyń qatysýymen «Uly dala úni» merekelik konserti ótti. «Alataý» teatrynyń tanymal artıseri Alma Amanjolova, Bıbigúl Qılymhan, Shattyq Ýatqan, Dıas Muratqan jáne t.b. artıseriniń qatysýymen «Án Álemi» atty merekelik hor-konsertimen jalǵasty.
13 qyrkúıekte dástúrli án-jyrlarymyzdy zamanaýı naqyshta oryndap, kórermenniń oń baǵasyn alyp júrgen «Qazaqsha terapıa» teatrlandyrylǵan jobasynyń “Ǵasyrlar úni” atty konserti kórermender yqylasyna bólendi.
«Almaty keshi» atty ashyq aspan astyndaǵy teatrlandyrylǵan konsertinde Alataý aýdanynyń ákimi Talǵat Malybaev turǵyndardy Qala kúni merekesimen quttyqtady! Quttyqtaý sózden soń, ashyq aspan astyndaǵy merekelik teatrlandyrylǵan konsert ótip, halyqqa keremet kóńil-kúı syılady. Atalmysh merekelik sharada «Alataý» dástúrli óner teatrynyń artıseri halqymyzdyń án-kúıin zamanaýı úlgide kórermenge tartý etti.
14-15 qyrkúek kúnderi Teatr alańynda «Ánime qosqan Almaty» merekelik konsertinde estrada juldyzdary Aqbota Kerimbekova, Saltanat Baqaeva, «Úsh qońyr» tobynyń jáne «Alataý» dástúrli óner teatrynyń artıseri óner kórsetse, «Án terbegen Almatym» atty merekelik konsertte Jubanysh Jeksenuly, Erbol Spanılıev, Lashyn Muratqyzy jáne «Alataý» dástúrli óner teatrynyń artıseri zor qoshemetke ıe boldy.
16 qyrkúıekte Teatrymyzda Qala kúnine oraı, jyl saıyn ótetin «Ulaǵat sózim urpaqqa» atty Respýblıkalyq jyrshy-termeshiler festıvali ótýde. Festıvalde Qazaqstannyń ár óńirinen kelgen jyrshy-termeshiler óz ónerlerin ortaǵa salady.
Festıvál elimizdiń ár óńiriniń jyr ıirimderimen, talantty termeshilerdiń ónerimen tanysýǵa tamasha múmkindik beredi.
Elimizdegi ulttyq ónerdiń oshaǵyna aınalǵan biregeı «Alataý» dástúrli óner teatrynyń ónerpazdary qala turǵyndary men qonaqtarynyń rýhyn kóterip, aıtýly merekede dástúrli ónerimizdi ulyqtap, dáripteýde.
Asqaq Alataýdyń baýraıynda ornalasqan arý qala – Almaty, onyń jasyl jelekke jamylǵan kórki barlyq otandastarymyzdyń ystyq yntazarlyǵyn oıatyp, maqtanyshyna aınaldy. Qalamyzdyń árbir turǵyny qazirgi jasampaz qoǵamnyń «Jańa Qazaqstan» atalatyn tarıh tolqynyndaǵy jańa betterine jazylar jarqyn bolashaǵyn birge jasaıtyn bolady.