Kólik salasyndaǵy maman retinde qazir Almatyda qoǵamdyq kólikpen júrip-turýdyń tartymdylyǵyn arttyrý úshin jaǵdaı jasaý boıynsha kólemdi keshendi jumys júrgizilip jatqanyn atap ótkim keledi. Qalalyq qoǵamdyq kólikpen jolaýshylar tasymaly basym jaǵdaıǵa ıe bolýy úshin jalpy kólik aǵynynda jyljymaly sostavty jappaı jańartý, kólik ınfraqurylymyn – joldar men aıaldama keshenderin únemi jetildirý, sondaı-aq qala mańyndaǵy baǵyttar men jelilerdi damytý júrgizilýde.
Sonymen qatar, BRT-nyń bólingen jolaqtary men jelileri de damýda. Osy júıeli jumystyń jetekshi elementteriniń biri Raıymbek dańǵylyndaǵy BRT jelisi bolýy tıis.
Qazirgi ýaqytta Raıymbek dańǵylynda jolaýshylar kóligi qozǵalysynda aıtarlyqtaı qıyndyqtar baıqalýda. Máselen, "Barlyq" bazarynan Baýyrjan Momyshuly kóshesine deıingi ýchaskede bir baǵytta ortasha eseppen táýligine 30 000 jolaýshy ótedi, bul rette tańerteńgi ýaqytta jolaýshylar aǵyny 3 500 jolaýshy saǵatyna jetedi.
Baýyrjan Momyshuly kóshesinen keıin ortasha táýliktik jolaýshylar aǵyny 20 000-25 000 myń jolaýshyǵa deıin tómendeıdi, alaıda bul kórsetkish Raıymbek batyr dańǵylynyń dálizine jolaýshylar tarapynan joǵary suranystyń bar ekenin kórsetedi.
Dálizdegi negizgi qıyndyqtar keshki qarbalas ýaqytta, batys baǵytta qozǵalý kezinde baıqalady. Mysaly, Raıymbek dańǵylynyń Nemırovıch-Danchenko kóshesimen qıylysý aımaǵynda (kúlgin núktemen belgilengen) "Barlyq" bazaryna qaraı júrý kezinde avtobýstardyń ortasha jyldamdyǵy 35 km/saǵ-tan 4 km/saǵ-qa deıin tómendeıdi.
Áýezov kóshesiniń Raıymbek dańǵylyna irgeles torabynyń konstrýktıvtik erekshelikteri munda kólik quraldarynyń qozǵalys jyldamdyǵyn aıtarlyqtaı tómendetedi, bul qozǵalys qaýipsizdigine teris áser etedi.
Keshki kezeńderde qozǵalys jyldamdyǵynyń tómendeýi dálizdiń keshki ýaqytta júrý tartymdylyǵyn tómendetedi, ony jolaýshylar aǵynynyń kartogramsynan kórýge bolady:
Usynylǵan karta aǵynnyń shamamen 25000 jolaýshy saǵatqa tómendegenin kórsetedi. Saıahat avtovokzalynan "Barlyq" bazaryna qaraı jyljý kezinde 17 000 jolaýshy saǵatqa deıin.
Raıymbek batyr dańǵylyn BRT úshin ınfraqurylymdy jaılastyra otyryp, rekonstrýksıalaý birinshi kezekte jyldamdyqty, sondaı-aq tasymaldardyń senimdiligi men qaýipsizdigin arttyrýǵa múmkindik beredi.