Almaty qalasynyń №7 Qalalyq klınıkalyq aýrýhanasynda alǵashqy ret júrektiń ótkizgishtik júıesine elektrodtardy ımplantasıalaýdyń zamanaýı ádisin qoldana otyryp, júrek-qan tamyrlary aýrýlaryn hırýrgıalyq emdeýdiń jańa ádisi qoldanyldy.
Operasıalar Vroslav medısınalyq ýnıversıtetiniń (Polsha) profesory Iasek Gaıektiń qatysýymen sheberlik –saǵaty aıasynda ótti.
Sheberlik saǵaty sheńberinde júrek ótkizgishtiginiń buzylýy saldarynan uzaq ýaqyt boıy zardap shekken 4 otandasymyzǵa shuǵyl operasıa jasaldy.
«Barlyq 4 pasıentke ortaq dert- uzaq ýaqyt boıy júrek ótkizgishtiginiń buzylýy saldarynan zardap shegýi. Naýqastardyń júrek kólemi ulǵaıǵan, júrektiń sol jaq qarynshasynyń bólý fraksıasynyń normalary tómendegen, júrekshelerdegi haotıkalyq ımpúlstarǵa baılanysty turaqty emes jáne jıi jyldam júrek soǵysy. Osyndaı buzylys nátıjesinde naýqastarda bas aınalýy, qatty entigý nemese esin joǵaltýy, keýdeniń sol jaǵyndaǵy aýyrsyný, ortasha fızıkalyq aýyrlyq kezinde aýanyń jetispeýi bolýy múmkin», - deıdi №7 qalalyq klınıkalyq aýrýhananyń operasıaǵa qatysýshy arıtmolog dárigeri Qanat Ergeshov.
Bul operasıa qarajat jaǵynan óte qymbat operasıalardyń biri, bizdiń elimizde bul hırýrgıalyq operasıalar MÁMS qarajaty esebinen tegin jasalady.
Polsha elinen kelgen bilikti kardıolog mamannyń Almatyǵa kelgenine búgin úsh kún boldy, buǵan deıin ol Qalalyq kardıologıalyq ortalyqta jáne A. N. Syzǵanov atyndaǵy Ulttyq ǵylymı hırýrgıa ortalyǵynda operasıalar jasady, tájirıbesimen bólisip, sheberlik saǵattar ótkizdi.
Polák profesorynyń aıtýynsha, qaıta sınhrondaý terapıa ádisi jaqsy oń nátıje beredi jáne bul ádisti halyqaralyq qardıologtar qaýymdastyǵy usynǵan. Gıs-shoǵyryn únemi yntalandyrý-bul klasıkalyq kardıostımýlásıany almastyra alatyn birden- bir qol jetimdi jáne qaýipsiz operasıalyq tehnologıa.
«Mundaı naýqastardyń jaǵdaıyn eskere otyryp, qazirgi zamanaýı medısına emdeý ádisteriniń kóptegen balamasy joq. Emdeý tásilin tańdaýda óte muqıat bolý kerek. Operasıa nátıjesinde biz júrektiń tabıǵı jolmen jıyrylýyna qol jetkizemiz. Bul biz tańdaǵan tehnıkanyń sózsiz artyqshylyǵyn dáleldeıdi», - dep túsindirdi Iasek Gaıek.
Jańa tehnologıa tıimdi, naýqastyń aýyr jaǵdaıyn jaqsartýǵa, júrek jumysyn jaqsartýǵa múmkindik beredi. Júrektiń jıyrylýynyń fızıologıalyq joly yntalandyrylady, sınhrondy túrde, saý adamda qalypty bolýy kerek. Nátıjesinde: asqynýlardyń damý qaýpi azaıady, naýqastyń stasıonarda bolý ýaqyty qysqarady, naýqastyń jaı-kúıi jaqsarady, ómir súrý sapasy jaqsarady, ómir súrý uzaqtyǵy artady.