jylytý maýsymyna barlyq jumystar keste boıynsha júrgizilýde, dep habarlaıdy Almaty-akshamy.kz
Almaty qalasynyń ákimi Erbolat Dosaev aldaǵy jylytý maýsymyna daıyndyq boıynsha shtabtyń kezekti keńesin ótkizdi.
Jóndeý jáne daıyndyq jumystarynyń aralyq qorytyndylary týraly Energetıka jáne sýmen jabdyqtaý basqarmasynyń, sondaı-aq «Almaty jylý jelileri» JSHS, «Almatyteplokommýnenergo» JSHS, «Almaty Sý» MKK, «Almaty elektr stansıalary» AQ, «Alataý Jaryq kompanıasy» AQ, «Qaztransgazzaımaq» AQ jáne t. b. basshylary baıandady.
Qala basshysy Almatynyń jylytý maýsymyna daıyndyǵy erekshe baqylaýda ekenin, komýnaldyq kásiporyndar bekitilgen kestege sáıkes barlyq daıyndyq sharalaryn aıaqtaýy qajet ekenin atap ótti.
Energetıkterdiń aqparaty boıynsha, qalalyq jylý energetıkalyq keshenniń jylý berý kezeńine daıyndyǵy jospar boıynsha júrýde jáne ol 75,6% -dy quraıdy. Bul rette gaz jelileriniń daıyndyǵy 76,7%, sýmen jabdyqtaý – 80%, elektr jelileri – 72%.
Qalanyń qysqy maýsymǵa 100% daıyndyǵy 2023 jyldyń 1 qazanyna deıin qamtamasyz etiledi.
Osy jyldyń jylýaralyq kezeńinde Almatyda 17,7 km jylýmen jabdyqtaý, 120 km elektrmen jabdyqtaý, 43 km sýmen jabdyqtaý, 29 km gazben jabdyqtaý jelileri qaıta jańartylyp, jóndelýde.
Qazirgi ýaqytta Almaty qalasynyń tutynýshylaryna úzdiksiz jylý berýdi qamtamasyz etý úshin «Almatyjylýkommýnenergo» JSHS 84 qazandyǵyn jóndeý jumystary júrgizilýde.
Daıyndyq jumystary «Almaty elektr stansıalary» AQ nysandarynda da júrgizilýde: jylytý maýsymynyń oıdaǵydaı ótýi úshin energetıkalyq generasıalaıtyn jabdyqqa jóndeý jumystary júrgizilýde. JEO-2-niń 5 qazandyǵyn jóndeý aıaqtaldy, bul megapolıs turǵyndaryn jylytý maýsymynda jylýmen qamtamasyz etýge múmkindik beredi. Sonymen qatar, bekitilgen kestege sáıkes bıylǵy jyldyń qarasha aıyna josparlanǵan qosymsha 3 qazandyqty jóndeý jumystary qazan aıynyń sońyna deıin aıaqtalatyn bolady.Bul sharalar jylytý maýsymyn ýaqtyly bastaýǵa jáne qyrkúıek aıynyń sońynda aınalymdy burýǵa múmkindik beredi.
Keńes barysynda Erbolat Dosaev áleýmettik nysandar men turǵyn úılerdi kúzgi-qysqy kezeńge daıyndaý máselesine erekshe nazar aýdardy. Energetıkterdiń derekteri boıynsha turǵyn úı qorynyń daıyndyǵy bekitilgen kestege sáıkes – 59,5%, bilim berý obektileri – 76,2%, densaýlyq saqtaý – 66,4%.
Keńes qorytyndysy boıynsha qala ákimi energetıka basqarmasyna birqatar tapsyrmalar berdi: jylýmen jabdyqtaý obektilerindegi daıyndyq jumystarynyń barysyn baqylaýǵa, sonymen qatar rekonstrýksıalaý aıaqtalǵan soń Bostandyq aýdanynyń burynnan bar 200 myńnan astam tutynýshysyn, sondaı-aq perspektıvadaǵy tutynýshylardyn (salynyp jatqan turǵyn úı keshenderin) jylýmen qamtamasyz etetin Iýjnyı aýdandyq qazandyǵyna erekshe nazar aýdardy. Sondaı-aq, qala basshysy aǵymdaǵy jyldyń 1 qyrkúıegine deıin jol jabyndysyn jáne basqa da oryndardy qalpyna keltirý boıynsha barlyq jumystardy aıaqtaý týraly tapsyrma berdi.
Aıta keterligi, qalalyq nysandardy aldaǵy jylytý maýsymyna daıyndaý máseleleri boıynsha keńester aı saıyn ótkiziletin bolady.