Kásipkerden para alǵan Almaty jylý jelileriniń basshylyǵyna 2 mlrd teńge aıyppul salyndy
Almaty qalasy Medeý aýdanynyń №2 soty para alǵandarǵa úkim shyǵardy, dep habarlaıdy Almaty-akshamy.kz Antıkorǵa silteme jasap.
Sogt úkimimen «Almaty jylý jelileri» JSHS bas dırektory K. Beısenbınovke 560 mln teńge somasynda, osy kompanıanyń bas ınjeneri D. Qazymbetovke 560 mln teńge somasynda, «Almaty jylý jelileri» kúrdeli qurylys basqarmasynyń bastyǵy S. Djıngılbaevqa 560 mln teńge kóleminde aıyppul salyndy.
Para bergeni úshin «SpesKommýnStroı» JSHS dırektory B.Razımbekovke 400 mln teńge aıyppul túrinde jaza taǵaıyndaldy.
Atalǵan adamdar memlekettik qyzmette qyzmet atqarý quqyǵynan ómir boıyna aıyryldy.
Sottalǵandar úshin aıyppuldyń jalpy somasy - 2 mlrd 80 mln teńge. Bul 350 oryndyq mektep nemese 320 oryndyq balabaqsha qurylysynyń búdjetine teń.
«Almaty jylý jelileri» laýazymdy tulǵalaryna Almaty qalasynda jylý jelilerin qaıta qurý týraly shart boıynsha oryndalǵan jumys aktilerine kedergisiz qol qoıǵany jáne aqsha aýdarǵany úshin B. Razımbekovten 16 mln teńge somasynda para aldy degen aıyp taǵylǵan edi.
QR QK 41-babyna sáıkes aıyppul belgilengen merzimde tólenbegen jaǵdaıda jaza sharasy bas bostandyǵynan aıyrýǵa aýystyrylady (sot úkimi zańdy kúshine engen joq).