Almaty halqy qazaq fýtbolynyń ańyzyna aınalǵan Seıilda Baıshaqovty aqtyq saparyna shyǵaryp saldy.
73 jasynda baqılyq bolǵan fýtbolshymen qoshtasýǵa kezinde birge dop tepken komandalastary, týǵan-týystary, dos-jarandary, bapkerleri men «Qaırat» fýtbol klýbynyń tárbıelenýshileri keldi. Qaraly jıynda marqumnyń jaqyndaryna Memleket basshysy Qasym-Jomart Toqaev joldaǵan kóńil aıtý haty oqyldy, dep habarlaıdy Almaty-akshamy.kz. Qazaqstan.tv-ǵa silteme jasap.
Sondaı-aq halyqaralyq ÝEFA, FIFA uıymdary basshylary da kóńil aıtý hattaryn joldaǵan.
«Sovet odaǵynyń ulttyq quramasyna oınap, qazaqtyń atyn kótergen azamat edi. Qarapaıym edi. Ketip qalatynyn biz bilmedik. Meıirimdi azamat edi. Búkil Qazaqstan fýtbolynyń tarıhynda bizde Seıilda Ikramuly, Tımýr Segizbaev qalyp otyr. Bul kisilerdiń eńbekteri zor», - deıdi Qazaq fýtbolynyń ardageri Quralbek Ordabaev.
Seıilda Baıshaqov uzaq jyldar boıy almatylyq «Qaırat» fýtbol klýbynyń kapıtany boldy. KSRO ulttyq quramasynda oınady. KSRO jáne halyqaralyq sport sheberi, Qazaqstannyń eńbek sińirgen jattyqtyrýshysy atandy. Sporttyq mansabyn támamdaǵan soń da el fýtboly úshin aıanbaı eńbek etip, jas sportshylardy tárbıeledi.