Halyqaralyq qarttar kúnine oraı Almaty elektromehanıka kolejiniń, Almaty servıs jáne tehnologıalar kolejiniń jáne Arhıtektýra, dızaın jáne ınjenerıa kolejiniń stýdentteri Almaty qalasynyń Bostandyq aýdanyndaǵy "Qamqor" áleýmettik qarttar úıine bardy, - dep habarlaıdy Aqshamnews.kz.
Almaty elektromehanıka koleji dırektorynyń orynbasary Amırova Lázzat Ergeshqyzy atap ótkendeı, is-shara jastardy qarttarǵa degen qurmetke tárbıeleýge, urpaqtar arasyndaǵy baılanysty nyǵaıtýǵa baǵyttalǵan.
Kezdesý barysynda stýdentter kúı shertip, án aıtyp, bı bılep qarttardyń kóńilin kóterdi. Dastarhan jaıyp, qart adamdarǵa syılyqtar tabys etti. Bul kúni qarıalar ózderine bólingen shynaıy jyly kóńilderge rıza boldy. Kesh sońynda atalar men ájeler jastarǵa alǵys aıtyp, olarǵa ómir jolynyń jarqyn bolýyna tilekterin bildirip, batasyn berdi.