Jaz sońynda Almaty ákímí Darhan Satybaldy Túrksíb audanyndaǵy «Altyn sıtı» tūrǵyn úı kesheníníń tūrǵyndarymen kezdesíp, olar tūrmystyq qolaısyzdyqtarǵa baılanysty bírqatar másele kóterílgen edí, dep habarlaıdy Aqshamnews.kz.
«Káríz júıesí men jylytu qazandyqtaryn auystyru máselesí «Altyn sıtı» tūrǵyndarymen kezdesude ákímge aıtyldy», – dedí basqarushy kompanıyanyń ókílí Arystan Rysaev.
«Úılerdíń bírínde káríz qūbyrlary tehnologıyalyq talaptar saqtalmaı ornatylǵandyqtan, jertóle aǵyn sumen tolyp, las ıís tūrǵyndarǵa aıtarlyqtaı qolaısyzdyq tudyrdy. Būl jaǵdaı jónínde ákímge habarlanyp, Qalalyq qūrylys basqarmasy saraptama júrgízdí. Qysqa merzím íshínde aqaular joıylyp, káríz júıesí tolyq qalpyna keltíríldí. Barlyǵy 50 metrge juyq káríz jelísí auystyryldy», – dedí ol.
Sonymen qatar, jylytu júıesíne de jóndeu júrgízílgen.
«Qazandyqtar men sorǵylar jóndelíp, su jūmsartqysh qondyrǵylar jańartyldy. Qazír 96 úıdí jylytatyn qosymsha qazandyqtyń qūrylysy júríp jatyr. Onyń basym bólígí jyl sońyna deıín paıdalanuǵa beríledí. Búgínde otyzǵa juyq úı tolyǵymen qonystanyp, qalypty jūmys ístep tūr. Ákímníń tapsyrmasymen tūrǵyn úı kesheníne kíreberís jol da jóndelíp, jol tósemí tegísteldí», – dep atap óttí Arystan Rysaev.
«Altyn sıtı» tūrǵyny Áıgerímníń aıtuynsha, Darhan Satybaldymen kezdesuden keıín tūrǵyndardyń jaǵdaıy jaqsarǵan.
«Būryn aulamyzda jaǵymsyz ıís bolatyn, qazír ol kettí. Máselemízge beı-jaı qaramaı, onyń sheshíluíne yqpal etkení úshín qala ákímíne rızashylyǵymdy bíldíremín. Būǵan deıín jol men jylytu júıesí bárímíz úshín basty túıtkíl edí. Endí úıímízde tūraqty jylu bar, jaǵdaıymyz aıtarlyqtaı jaqsardy», – dedí tūrǵyn.