Bıylǵy jyly «Almaty jastary» turǵyn úı baǵdarlamasyn júzege asyrýǵa jergilikti búdjetten 17 mlrd teńge bólindi, bul ótken jylmen salystyrǵanda 2 mlrd teńgege artyq. Sondaı-aq, «Otbasy bankiniń» óz qarajatynan taǵy 3 mlrd teńge bólindi. Turǵyn úı baǵdarlamasymen keminde 1100 adamdy qamtý josparlanýda. Ótinimderdi qabyldaý 15 mamyrdan bastalady. Ótinimderdi qabyldaý týraly ÓKQ-niń brıfıńinde komýnaldyq ınfraqurylymdy damytý basqarmasynyń basshysy Danıar Qyryqbaev egjeı-tegjeıli baıandap berdi, dep habarlaıdy almaty-akshamy.kz
«Almaty jastary» baǵdarlamasynyń bir ereksheligi qatysýshylarǵa bastapqy jáne ekinshi naryqtan turǵyn úıdi óz betinshe tańdaýy úshin tómen paıyzdyq mólsherlememen turǵyn úı nesıeleri berilýde. Qala jastary tarapynan úlken suranys pen joǵary qyzyǵýshylyqty, sondaı-aq ótken jyldardaǵy qatysýshylardyń sanyn eskere otyryp, baǵdarlama bıyl da óz jalǵasyn tappaq. Aıta ketsek, 2022 baǵdarlamasy boıynsha 1097 otbasy baspanaǵa ıe boldy», - dedi D.Qyryqbaev.
Baıandamashy baǵdarlama boıynsha nesıelendirý sharttaryn naqty atap berdi:
- nesıeniń maksımaldy somasy 18 mıllıon teńgege deıin;
- syıaqy mólsherlemesi – 5%;
- bastapqy jarnasy – 10%;
- bastapqy jáne qaıtalama turǵyn úı alý múmkindigin qamtý – keminde 1100 adam bolady.
Aıta ketý kerek, «Almaty jastary» baǵdarlamasyna kelesi baǵyttar boıynsha búdjettik uıymdardyń suranysqa ıe mamandyqtaǵy sala qyzmetkerleri qatysa alady:
1. bilim salasy,
2. densaýlyq saqtaý,
3. ýnıversıtet jáne ǵylymı-zertteý ınstıtýttary,
4. mádenıet
5. sport,
6. jýrnalıser,
7. áleýmettik sala qyzmetkerleri,
8. quqyq qorǵaý organdarynyń qyzmetkerleri,
9. qalalyq komýnaldyq qyzmetterdiń qyzmetkerleri.
Úmitkerlerge qoıylatyn negizgi talaptar:
1. Qazaqstan Respýblıkasynyń azamattyǵy,
2. Qatysýshynyń jasy 35 jasqa deıin (qosa alǵanda),
3. Baǵdarlamaǵa ótinish berýshiniń jáne onyń otbasy músheleriniń sońǵy 5 jyl ishinde Qazaqstan Respýblıkasynyń aýmaǵynda menshik quqyǵynda turǵyn úıiniń bolmaýy;
4. Mindetti zeınetaqy jarnalary bolǵan kezde, Almaty qalasynda, jekelegen oblystarda keminde 6 aı laýazymdyq jumys ótili bolýy shart.
Qatysýshylar ótinim men qujattardy arnaıy www.almaty-zhastary.kz saıtynda ESQ arqyly tapsyrýy qajet.
«Sondaı-aq biz qatysýshylardan veb-saıttaǵy Baǵdarlamanyń sharttarymen muqıat tanysýdy jáne veb-saıtta kórsetilgen tizimge sáıkes barlyq qajetti qujattardy tirkeýdi suraımyz (veb-saıttaǵy beıne nusqaýlyq). Barlyq suraqtar boıynsha Almaty qalasynyń komýnaldyq ınfraqurylymdy damytý basqarmasyna +7 (727) 225 14 57 telefony arqyly habarlasýlaryńyz qajet», - dedi D.Qyryqbaev.
Tolyq aqparatty www.almaty-zhastary.kz saıtynan alýǵa bolady.
Sondaı-aq ol, bıyl Almaty qalasy ákiminiń tapsyrmasymen baǵdarlama aıasynda jas muǵalimder men dárigerlerge taǵy 100 qaryzǵa lımıt ulǵaıtylǵanyn atap ótti (muǵalimderge - 50, dárigerlerge – 50).
Komýnaldyq ınfraqurylymdy damytý basqarmasy ótinishterdi qabyldaý merzimi ótken kúnnen bastap 20 jumys kúni ishinde upaılardy eseptep, negizgi jáne rezervtik tizimderdi, sondaı-aq qabyldanbaǵandardyń tizimin iriktep qalyptastyrady. Jınaǵan upaı sanyna qaraı tólem qabilettiligin baǵalaý úshin «Otbasy bankine» joldama beredi.
Negizgi jáne rezervtik tizimge engizilgen qatysýshylardyń tizimderi, sondaı-aq qabyldanbaǵandar tizimi www.almaty-zhastary.kz saıtynda ornalastyrylǵan.
Ótinishter men qujattardy qabyldaýdyń búkil kezeńi ishinde baǵdarlamaǵa qatysýshylardyń usynylǵan ótinimderin óńdeý, ózgertý, tolyqtyrý múmkindigi bar. Departament qatysýshylardy irikteý rásimine qoǵamdyq birlestikter men BAQ ókilderin de tartyp, qatystyryp otyrady.
Baǵdarlamaǵa qatysý úshin qajetti qujattar:
Ótinim bergen kezde 10 kúntizbelik kúnnen erte emes berilgen qujattar qaraýǵa qabyldanady:
1) neke qıý, buzý týraly kýálik;
2) balalardyń týý týraly kýáligi;
3) ótinish berýshi men barlyq otbasy múshelerine EGOV-tan alynǵan Qazaqstan boıynsha jyljymaıtyn múliktiń bolmaýy (bolýy) týraly anyqtama;
4) EGOV-tan alynǵan sońǵy 6 aıdaǵy zeınetaqy aýdarymdary týraly úzindi kóshirme;
5) jumys ornynan uıymnyń/mekemeniń fırmalyq blankisinde anyqtamanyń berilgen kúni, shyǵys nómiri, jumysqa turǵan kúni men qyzmettik laýazymy kórsetilgen anyqtama.
6) QR Eńbek kodeksiniń 35-babyna sáıkes eńbek ótilin rastaıtyn qujattar (eńbek kitapshasynyń skaneri);
7) BAQ-qa esepke qoıý kýáligi (atalǵan talap tek jýrnalıser salasy boıynsha qatysýshylarǵa qatysty).