Almatyda qala ákimi Erbolat Dosaevtyń bastamasymen «Almaty jastary» turǵyn úı baǵdarlamasyn qarjylandyrý jalǵastyrylady.
Bul týraly Almaty qalasy máslıhatynyń kezekten tys sesıasy barysynda qarjy basqarmasynyń basshysy Qanat Sýhambekov málimdedi, dep habarlaıdy aqshamnews.kz.
Almaty qalasynyń búdjetin naqtylaý sheńberinde halyqtyń áleýmettik osal toptary sanatyndaǵy azamattar úshin áleýmettik kómek kólemi ulǵaıtyldy: 585 mln teńge aýdandyq ákimdikterge azamattarǵa úıde áleýmettik qoldaý kórsetýge, sondaı-aq erekshe qajettilikteri bar adamdardy qoldaýǵa bólinedi.
Qanat Sýhambekov atap ótkendeı, «Almaty jastary» turǵyn úı baǵdarlamasyn qarjylandyrý úshin búdjetten qosymsha 1,4 mlrd teńge bólinedi.
Bul, onyń aıtýynsha, áleýmettik, quqyq qorǵaý, komýnaldyq jáne basqa da salalarda eńbek etetin jas azamattar úshin qosymsha 80 ıpotekalyq qaryz berýge múmkindik beredi.
Sondaı-aq, turǵyn úı jaǵdaıyn jaqsartý úshin ishki ister organdarynyń 2 510 qyzmetkerine jergilikti búdjetten qosymsha 2,5 mlrd teńge bólý josparlanýda.