Kóktemgi ósim: Almatyda demalys kúnderi ótetin jármeńkelerge apta saıyn kelýshiler sany 45 000 adamǵa deıin ósti
Demalys kúnderi azyq-túlik taýarlaryn satatyn jármeńkelerge qatysatyn almatylyqtar men qala qonaqtarynyń sany aptasyna 45 000 adamǵa jetti.
Kelýshilerdiń 50%-ǵa ósýi kóktemgi kezeńniń bastalýymen, jańa ónimder assortımentin keńeıtýmen jáne jármeńke ınfraqurylymyn jańǵyrtýmen baılanysty: jańa saýda sóreleri ornatyldy, sanıtarlyq jaǵdaılar jaqsartyldy, kelýshilerdiń qozǵalysy úshin qolaıly marshrýttar qalyptastyryldy.
Búgingi kúni demalys kúngi jármeńkelerde Almaty men Almaty oblysynyń 300-den astam aýyl sharýashylyǵy óndirýshileri men fermerleri óz ónimderin usynady. Apta saıyn jármeńkege qatysýshylar jalpy kólemi 1000-nan astam ataýlardan turan 800 tonnaǵa jýyq azyq-túlik taýarlaryn et, jumyrtqa, kókónister, jemister, ashytylǵan sút ónimderi, shujyqtar, bal jáne basqa da ónimderdi satady.
Jármeńkelerdi «Almaty» ÁKK» AQ uıymdastyrady. Baǵany turaqtandyrý tetikterin iske asyrý sheńberinde áleýmettik mańyzy bar azyq-túlik taýarlary jármeńkelerde naryqtyq baǵadan 15-20% tómen baǵamen satylady.
Jármeńkeler apta saıyn saǵat 09:00-den 18:00-ge deıin myna meken-jaılarda ótedi:
· Almaly aýdany - Masanchı kóshesi (Áıteke bı kóshesi men Gogol kóshesi arasy);
· Áýezov aýdany - Ótegen batyr kóshesi (Abaı dańǵylynan tómen);
· Bostandyq aýdany - Qazaqfılm y/a (ál-Farabı dańǵylynan joǵary);
· Medeý aýdany - Meńdiqulov býlvary-Bekturov kóshesi.