Búginde Almaty Indýstrıaldy aımaǵynyń kásiporyndarynda 1 218 qyzmetker jumys isteıdi.
Indýstrıalyq aımaq kásiporyndarynyń ujymyn vaksınalaý qarqyny týraly brıfıń barysynda IA dırektory Ádil Amralın aıtyp berdi, dep habarlaıdy Almaty-akshamy.kz
Spıkerdiń aıtýynsha, Indýstrıaldy aımaqtyń bes kásipornynda jumysshylar vaksınanyń eki komponentin júz paıyz aldy. Ekpe alý jaǵynan belsendilik tanytqandardyń qatarynda Hyundai Trans Kazakhstan jeńil avtokólikterin óndirý zaýyty, «KSM Tehnovıd» sáýlet qasbetterin óndirý zaýyty, «Qaztaıger teıp» skoch jáne streıch-úldir óndirý kásiporny, «Dok.KO» jáne «Almapak» qaǵaz oramasyn óndirýshi. Endi bul kásiporyndar epıdemıologıalyq jaǵdaıdyń shekteýleri men nasharlaýyna qaramastan tolyq jumys isteı alady.
«Basqa kásiporyndarda jumyskerlerdi vaksınalaý prosesi belsendi qarqynmen jalǵasýda. Kásiporyn qyzmetkerlerine yńǵaıly bolý úshin mobıldi ekpe brıgadalary bardy. Olar tikeleı jumys oryndarynda ózderin koronavırýstan qorǵaǵysy keletinderge ekpe saldy. Vaksına barlyq sanıtarlyq-epıdemıologıalyq talaptar eskerile otyryp júrgizildi», - dedi Ádil Amralın.
Búginde Almaty Indýstrıaldy aımaǵynyń kásiporyndarynda 1 218 qyzmetker jumys isteıdi. 12 shildedegi málimet boıynsha 841 adam vaksına aldy, 144 qyzmetkerde medısınalyq qarsy kórsetilimderi nemese antıdeneler bar.
Ádil Amralın ındýstrıalyq aımaqtyń mamandary turaqty negizde rezıdent kompanıalarmen eńbek ujymdaryn jappaı vaksınalaý qajettiligi týraly túsindirý jumystaryn júrgizgenin aıtty.
«Búginde vaksına – bul ózimizdi jáne jaqyndarymyzdy qaýipti ınfeksıadan qorǵaýdyń jalǵyz tásili. Qalypty ómirge tezirek oralý úshin biz azamattyq ustanymymyzdy kórsetip, múmkindiginshe tezirek ekpe alýymyz kerek», - dep qorytyndylady sózin Indýstrıaldy aımaqtyń dırektory.
2021 jylǵy 14 shildedegi málimet boıynsha, Almatyda I komponentpen 628 132 adam vaksına aldy. Ótken táýlikte 12 471 adam ekpe aldy. 60 jastan joǵary vaksına alǵan adam sany 92 352 adamdy quraıdy.
Qalada medısınalyq uıymdarda, mektepterde, mádenıet, sport nysandarynda, bazar men qalanyń SOSO-da 212 vaksına pýnktteri jumys isteıdi (250-ge deıin ulǵaıtý múmkindigimen). 1 260 adam jumyldyrylǵan 308 ekpe brıgadasy qyzmet atqarady.