Almaty haıýanattar baǵynda elik dúnıege keldi. Báısheshek esimdi tóldiń beınetaspasy áleýmettik jelilerde jarıalanǵan, dep habarlaıdy Almaty-akshamy.kz.
Baq qyzmetkerleri tóldiń jaǵdaıy jaqsy ekenin atap ótti. Beınetaspanyń astyndaǵy sıpattamada elik 28 maýsymda ákesi Krýgláshok pen anasy Raıhannan týǵany aıtylǵan. Baq qyzmetkerleri jas elikke Báısheshek dep at qoıǵan.
"Bul erekshe súıkimdi janýar kimdi esterińizge túsiredi? Árıne, barshańyzdyń esińizge balalarǵa arnalǵan múltfılmnen tanys eliktiń laǵy – Bembıdi eske túsirgen shyǵar. Ázirshe Báısheshek enesiniń sútin emedi. Azdap shóptiń, jemis pen jarmanyń dámin tata bastady. Kishkentaı Báısheshekti zebralar voleriniń oń jaǵyndaǵy úlken qorshaýda turatyn elikter otbasynan kóre alasyzdar. Báısheshek onda óziniń úlken-kishi týystarymen birge júredi. Kishkentaı eliktiń laǵyn kórýge zoobaqqa kelińizder!" - dep jazdy Almaty haıýanattar baǵynyń qyzmetkerleri Instagram-daǵy paraqshasynda.
https://www.instagram.com/reel/CvrE6ahIQRG/?igshid=MzRlODBiNWFlZA==