«Alataý Jaryq Kompanıasy» AQ ujymy kásibı merekelerin atap ótti, - dep habarlaıdy almaty-akshamy.kz
Shara barysynda bilikti, óz salasynyń naǵyz maıtalmandary, kásibı sheberleri qurmetke bólenip, marapatqa ıe boldy.
Saltanatty jıyndy «Alataý Jaryq Kompanıasy» AQ Basqarma tóraǵasy Abaı Asylov bastap ashyp, barsha ujymdy kásibı merekemen quttyqtap, otbasylaryna baq-bereke tiledi. Birligi jarasqan, tirligi qyr asqan ujym el ekonomıkasynyń damýyna, energetıkalyq áleýetin arttyrýǵa, qaýipsizdikti kúsheıtýge súbeli úles qosyp keledi.
Merekelik jıynda eren eńbegimen kózge túsken energetıkter QR Energetıka mınıstirligi, «Samuryq-Qazyna», «Samuryq-Energo», «Kazenergy» qaýymdastyǵy, Almaty qalasy ákiminiń Alǵys hattarymen marapattaldy.
Kásibı mereke qurmetine oraı osy salada uzaq jyl jemisti eńbek etken mamandar «QR eńbek sińirgen energetıgi», «Qurmetti energetık», «Ardager energetık» atanyp, arnaıy marapattarǵa ıe boldy.