Almaty Energetıka jáne elektrondy tehnıkalar kolejinde oqý ordasynyń 60 jyldyǵyna arnalǵan saltanatty jıyn ótti.
Mereıtoılyq jıynǵa atalmysh oqý ordasynda uzaq jyldar qyzmet etken eńbek ardagerleri men qalamyzdaǵy basqa da oqý oryndarynyń basshylary qatysty. Osy jyldar ishinde kolej el ómiriniń damýyna eleýli úlesin qosty.
Elektr energıasy men jaryqsyz damý múmkin emes. Elimizde AES qurylysynyń qolǵa alynýy da osy qajettilikti qamtıdy. Almaty Energetıka jáne elektrondy tehnıkalar koleji – bolashaqta osyndaı alpaýyt stansıalarǵa qajet mamandardy daıarlaıtyn jetekshi oqý orny. Osyǵan oraı úlken jumystar qolǵa alynýda.
Alǵashynda "Energoqurylys tehnıkýmy" dep atalǵan oqý ordasy zaman talabyna saı ataýyn birneshe márte ózgertip, qazirgi tańda "Almaty Energetıka jáne elektrondy tehnıkalar koleji" degen atpen naryqqa qajetti mamandar daıarlap keledi. 60 jyl ishinde oqý orny 30 myńǵa jýyq bilikti maman daıarlap shyǵardy.
Mereıtoı aıasynda birneshe jańa sheberhana ashyldy:
- "TESLO" JSHS jáne "SMART LIGHT GROUP" JSHS qoldaýymen "Aqyldy úı" avtomattandyrylǵan basqarý júıesi sheberhanasy;
- "KAZ ENERGO POWER" JSHS qoldaýymen "Relelik qorǵanys jáne avtomatıka" sheberhanasy;
- "Legrand" kompanıasynyń qoldaýymen "Elektr jabdyqtaryn ornatý" sheberhanasy.
Kolejdiń 60 jyldyq tarıhy onyń bilim berý salasyndaǵy mańyzdylyǵyn taǵy da dáleldeı túsedi.
Taqyrypqa oraı:
Baǵdáýlet ABYZBAEV, Almaty energetıka jáne elektrondy tehnologıalar kolejiniń dırektory:
– Qazirgi kezde kolejimizde 1500-den astam stýdent bilim alyp jatyr. Olar kúndizgi jáne syrttaı bólimderde bilim alady. Oqý memlekettik jáne orys tilinde júrgiziledi. Kolej elimizdegi eń aldyńǵy oqý ornynyń biri dep tanylsa, bul eń aldymen materıaldyq-tehnıkalyq bazaǵa da baılanysty. Bizdiń kolej zamanaýı oqý oryndarynyń biri. Úsh oqý korpýsy bar. Sonymen qatar, 33 oqý kabıneti, 30 laboratorıa,
14 oqý-óndiristik sheberhanasy bar. Bilikti maman daıarlaý úshin eń aldymen oqytýshy óz bilimin zaman talabyna sáıkes jetildirip otyrýy kerek. Osy oraıda sońǵy jyldary 60-tan astam oqytýshymyz AQSH, Anglıa, Chehıa, Germanıa, Túrkıa, Fransıa, Sıngapýr, Malaızıa, Vengrıa, Slovakıa, Japonıa, Brazılıa, Belarýs memleketterine baryp, biliktilikterin kóterip qaıtty. Bizdiń kolej sapaly bilim berýmen qatar, salaýatty urpaq tárbıeleý jolynda da únemi belsendilik tanytyp keledi. Elimizdiń energetıka salasyn damytý úshin biz qashanda óz úlesimizdi qosýǵa daıynbyz!