Almatyda aldaǵy qala kúnine arnalǵan konsertter ótti
Sharalar ashyq aspan astynda uıymdastyryldy. «Arbatta» ótken «Almaty – mahabbatym» atty konsert-spektaklde «Jańa ǵasyr» teatrynyń qatysýymen tanymal fılmderdiń saýndtrekteri men teatrlandyrylǵan kórinister usynyldy.
- Repertýarymyz súıikti qalamyz Almatynyń tóńireginde qurylǵan, - dep atap ótti «Jańa ǵasyr» teatrynyń ártisi Muhtar Qosybaı.
Konsert jastardyń basyn qosyp, kórermender ánge qosylyp, bı bıledi. Sonymen qatar, dál osy keshte megapolıste taǵy bir konsert – «Asyl Qazyna» ótti. Bul konsert dástúrli óner teatry «Alataý» aldynda uıymdastyrylyp, oǵan Ramazan Stamǵazıev, Saýle Janpeıisova, Erkin Shúkiman, Amangeldi Kózeýbaı jáne basqa da ónerpazdar qatysty.
Konsertter qala turǵyndary men qonaqtaryna erekshe kóńil-kúı syılap, qala kúnine degen merekelik atmosferany kúsheıtti. Mádenı sharalar qalanyń tarıhyn, mádenıetin nasıhattap, onyń rýhanı baılyǵyn jańǵyrtýǵa baǵyttalǵan.