Almaty qalasy Qoǵamdyq densaýlyq basqarmasynyń orynbasary Laýra Myrzaǵalı mektepterdiń egý pýnktterinde jasóspirimderdi vaksınasıalaý kelesi aptada bastalatynyn málimdedi dep habarlaıdy almaty-akshamy.kz.
- Búginnen bastap biz jasóspirimderge emhanalarda ekpe sala bastadyq. 12-17 jastaǵy 1 619 balanyń ekpe alǵysy keldi. Eger jasóspirim ata-anasynyń kelisiminsiz vaksınasıaǵa kelse, medısına qyzmetkerleri olarmen habarlasyp, kelisimin suraıdy. Tizimder bar, pedagogtar bizge kómektesedi, - dedi Laýra Myrzaǵalı.
Dárigerler óz taraptarynan jasóspirimderdi vaksınasıalaý algorıtmin túsindirý jumystaryn júrgizýde. Máselen, ata-analar, eger qalasa, balalaryn vaksınasıalaý kezinde emhanada da, mektepte de birge bola alady.
Búginde 12-17 jas aralyǵyndaǵy qazaqstandyq jasóspirimderge DDU maquldaǵan jáne 12 jastan asqan balalar men júkti áıelderge salýǵa ruqsat etilgen «Komırnatı» («Pfizer» kompanıasy) vaksınasy egiletin bolady.