14 kún boıy almatylyq reanımatologtar júktiliktiń ólimge ákeletin asqynýy – HELLP-sındromy bar bosanǵan áıeldiń ómiri úshin táýlik boıy kúresken, dep habarlaıdy Almaty-akshamy.kz Azattyq Ruhy-na silteme jasap.
Almatydaǵy N2 qalalyq perınataldyq ortalyǵynda dárigerler 36 jastaǵy áıeldiń ómirin saqtap qaldy.
Áıel júktiliktiń 36-aptasynda shuǵyl túrde kesar tiligi arqyly bosandy.
Bas dárigerdiń orynbasary Qymbat Abraımovanyń aıtýynsha, HELLP-sındromy jaǵdaılardyń 4%-dan 12%-yna deıin kezdesedi. HELLP-sındromy kóptegen organdardyń jetkiliksizdigine ákeledi, tipti ana men uryqtyń ólimine ákelýi múmkin eken.
«Biz kesar tiligin jasadyq, shúkir, ómiri qyl ústinde turǵan áıel 2,114 gram ul týdy. Qazirgi ýaqytta náresteniń de, bosanǵan áıeldiń de jaǵdaıy qanaǵattanarlyq. Operasıadan keıin áıel 14 kún boıy reanımasıa bóliminde táýlik boıy baqylaýda boldy, onda jappaı gemolızdi emdeý, búırek, baýyr jetkiliksizdiginiń jáne trombozdyń damýyn boldyrmaý úshin oǵan plazmalyq almasý jáne erıtrosıttik sýspenzıany transfýzıalaý prosedýralary júrgizildi», - deıdi Qymbat Abraımova.
Dárigerlerdiń áreketteriniń arqasynda naýqas 14-kúni reanımasıadan beıindi bólimge aýystyryldy, al búgin naýqas balasymen birge qanaǵattanarlyq jaǵdaıda úıine shyǵaryldy.