«Almaty Clean&Green» senbiliginde jappaı aǵash otyrǵyzý jáne qalany tazartý sharalary ótedi
2025 jyldyń 23 naýryzynda Almatyda «Taza Qazaqstan» baǵdarlamasy men «Almaty – bizdiń ortaq úıimiz» kampanıasy aıasynda qalany keń kólemde tazartý boıynsha «Almaty Clean&Green» ekologıalyq aksıasy ótedi. Bul shara Naýryznama merekesi aıasynda atap ótiletin Tazarý kúnine oraılastyrylǵan, dep habarlaıdy aqshamnews.kz
Senbilik búkil qala aýmaǵynda ótedi jáne qoǵamdyq keńistikterdi, demalys aımaqtaryn, saıabaqtardy, skverler men aýlalardy qamtıdy. İs-sharanyń negizgi bóligi retinde jappaı aǵash otyrǵyzý josparlanǵan, onda turǵyndar qalany kógaldandyrýǵa óz úlesterin qosa alady.
Almaty ákimdigi senbilikke qatysýshylarǵa qajetti barlyq qoldaýdy kórsetip, aǵash kóshetterin, sondaı-aq tazalaý jáne otyrǵyzý quraldaryn (qolǵaptar, qaptar, kúrekter men tyrmalar) usynady. Jınalǵan qoqys polıgonǵa tasymaldanyp, ári qaraı qaıta óńdeýge jiberiledi.
Senbilik 23 naýryz kúni tańǵy 9:00-de bastalady jáne qalanyń birneshe negizgi oryndarynda ótedi:
Negizgi oryndar:
- Boraldaı ózeni boıyndaǵy kórinis alańy: Kartada kórý
- Esentaı ózeni jaǵalaýy (Ál-Farabı dańǵylynan Jamaqaev kóshesine deıin): Kartada kórý
- Kókmaısa skveri: Kartada kórý
Qala turǵyndarynyń qolaılylyǵy úshin Abaıa – Baıtýrsynov dańǵyly boıynan senbilik ótetin negizgi oryndarǵa deıin arnaıy avtobýstar uıymdastyrylady.
Jergilikti senbilikter:
- Alataý aýdany – Boraldaı ózeni boıyndaǵy gabıondar mańy (Shańyraq-2 yqshamaýdany)
- Almaly aýdany – Dúısenov kóshesi, Rozybakıev kóshesinen batysqa qaraı
- Áýezov aýdany – Shalov kóshesi boıymen, Prokofev kóshesiniń jaıaý júrginshiler aımaǵy
- Bostandyq aýdany – «Ońtústik» saıabaǵy
- Jetisý aýdany – Jangeldın atyndaǵy skver
- Naýryzbaı aýdany – Abaı dańǵyly boıymen
- Túrksib aýdany – S. Seıfýllın atyndaǵy saıabaq, Aýǵan ardagerler skveri
Shara aıasynda túrli qyzyqty ári tanymdyq baǵdarlamalar uıymdastyrylady:
- Mını-konsertter
- Ekologıa jáne kóshe óneri boıynsha sheberlik sabaqtary
- Ekologıalyq vıktorınalar men syılyqtar utysy
- Ulttyq oıyndar: arqan tartý jáne toǵyzqumalaq
Sonymen qatar, senbilikke qatysýshylarǵa qaýipsizdik tehnıkasy jáne aǵash otyrǵyzý erejeleri boıynsha qysqasha nusqaýlyq beriledi.