Almatyda ótetin bul qyzyqty týrnırde mını-fýtbol, basketbol, voleıbol, armrestlıng, ústel tenısi jáne shahmat boıynsha myqtylar ataǵyna talasatyn úzdik sportshylar men komandalar jınalady.
Sharada Almaty fýtbol federasıasynyń vıse-prezıdenti Igor Ýtrobın sóz sóıledi.
- Qurmetti qatysýshylar! Bul jarystarda qanshalyqty yntamen óner kórsetetinińizderdi kórýge óte qýanyshtymyn. Sizderge densaýlyq, jaqsy oqý jáne sporttyń árqashan jandaryńyzda bolýyn tileımin», - dedi Igor Ýtrobın.
Barlyq sport túrleri - SSKA stadıonynda al ,ústel tenısinen jarystar STIGA ústel tenısi klýbynda ótedi.
Ústel tenısinen jattyqtyrýshy Aıman Ýspanova atap ótkendeı, Almaty qalalyq oıyndarynyń týrnıri jyl saıyn ótkiziledi.
- Ústel tenısinen jarysqa 100-den astam qatysýshy qatysady: áıelder, erler, jastar jáne 12 jastan asqan balalar. Ár jas sanatyna marapattar men sertıfıkattar beriledi», - dedi Aıman Ýspanova.
Almaty City Games tek jarys qana emes, sonymen qatar pikirles adamdarmen kezdesýge, qýat alýǵa jáne Almatynyń sporttyq rýhynan lázzat alýǵa múmkindik beredi. Sol kúni qala naǵyz shaıqastar arenasyna aınalady, onda ár qatysýshy óz sheberligin kórsetedi.
«BEIBARYS» komandasynyń oıynshysy Valerıa Kırıchenko birneshe jyldan beri voleıbol oınap, birneshe týrnırlerge qatysqanyn alǵa tartty.
- Men voleıboldy mektep kezinen bastadym. Sodan SSKA-da ornalasqan «BEIBARYS» klýbyna keldim. Almaty qalalyq spartakıadasy sportty damytýda úlken ról atqarady, – dedi Valerıa Kırıchenko.