Kásiporynnyń 80 mln teńgeden astam aqsha urlaǵan esepshisi sottaldy.
Bas kólik prokýratýrasynyń arnaıy prokýrorlary «QTJ – Júk tasymaly» JSHS Almaty bólimshesinde asa iri mólsherde aqsha qarajatyn urlaýdyń qylmystyq joldaryn ashty, dep habarlaıdy Almaty-akshamy.kz Azattyq Ruhy-na silteme jasap.
Tergeý málimetteri boıynsha, jalaqyny esepteý úshin «SAP HRP» baǵdarlamasy men kásiporynnyń Internet-bankıngi arasyndaǵy ıntegrasıanyń bolmaýyna baılanysty alaıaqtyq áreketteri iske asyrylǵan, ıaǵnı býhgalterlik esep qyzmetkerlerge jalaqy boıynsha qajetti sandardy qoıýǵa múmkindik bergen.
«Tórt jyl ishinde artyq tólemder senimdi adamdardyń kartasyna aýdarylyp, artynsha qolma-qol aqshaǵa aınaldyrylyp, uıymdastyrýshylarǵa berilip otyrǵan. Búgingi kúni aıyptalýshy adam sotqa tartyldy», - delingen Bas kólik prokýratýrasynyń habarlamasynda.
Buǵan deıin kásiporynda osyndaı qylmys jasaý arqyly 80 mln teńgeden astam aqsha urlaǵan úshin 2023 jyldyń qańtarynda jetekshi býhgalter J. Qundaqbaeva sottaldy.
Jyl saıynǵy aýdıtorlyq tekserýler bul kemshilikterdiń barlyǵyn anyqtaǵan joq. Olarǵa quqyqtyq baǵa berý úshin sotqa deıingi tıisti tergeý bastaldy.
«Sondaı-aq «SAP HRP» býhgalterlik baǵdarlamasy «QTJ «UK» AQ kóptegen kásiporyndarynda jumys isteıtini belgili boldy», - deıdi vedomstvo ókilderi.
Kólik prokýratýrasy mundaı urlyqqa tosqaýyl qoıý úshin ulttyq operatordyń atyna qoldanystaǵy eńbekaqy tóleý júıesin qaıta qaraý, býhgalterıa qyzmetkerleriniń negizgi is-áreketterin sıfrlandyrý jáne osy saladaǵy jumysty tıisinshe uıymdastyrmaǵany úshin kináli laýazymdy adamdardy jaýapqa tartý týraly usynys engizdi.