Qala turǵyndaryn qalany tazartyp, ony abattandyrý naýqanyna qosylýǵa, osylaısha onyń damýyna óz úlesin qosýǵa shaqyrylýda.
Naýqan 8 sáýirde bastalyp, 8 mamyrǵa deıin jalǵasady. Osy kezeńde qalalyq aýmaqtardy jaqsartýǵa jáne abattandyrýǵa baǵyttalǵan kóptegen is-sharalar ótkizý josparda bar, dep habarlaıdy Almaty-akshamy.kz.
İs-sharanyń basty maqsaty — qala turǵyndarynyń kúsh-jigerin biriktirip, týǵan qalany taza ári ádemi etý.
Naýqan sheńberinde aýdandyq ákimdikter men komýnaldyq qyzmetter kóshelerdi, úıishilik aýmaqtardy, balalar men sport alańdaryn retke keltiredi. Jasyl aımaqtardy: saıabaqtar, ózender men kól aýmaqtaryn tazalaýǵa jáne tazartýǵa erekshe mán beriledi. Sondaı-aq mádenıet obektilerin, estelik jáne tarıhı oryndar men ǵımarattardy jınaý jáne qalpyna keltirý jumystary uıymdastyrylady.
Sonymen qatar, komýnaldyq qyzmet qyzmetkerleri arasynda túrli nomınasıalar boıynsha konkýrs ótkiziledi.
İs-sharaǵa kásipkerler de belsendi qatysady. Naýqan aıasynda irgeles aýmaqty tazalaýǵa, bıznes obektilerindegi mańdaıshalar men qasbetterdi qalpyna keltirýge baǵyttalǵan "Bizdiń qala – bizdiń bıznes" jobasy iske asyrylady.
"Jasyl aýla" men "Aǵash otyrǵyz" aksıalary aıasynda kóshetter men aǵashtardy otyrǵyzý boıynsha jeke jumystar kesheni júrgiziledi.
Qorshaǵan ortaǵa nemquraıly qaraı almaıtyn almatylyqtardy tazalyqty saqtaýǵa ári qala kelbetin jaqsartý jónindegi mańyzdy bastamaǵa qosylýǵa shaqyramyz. Qala ákimdiginiń jobalyq keńsesi júzege asyratyn naýqan boıynsha barlyq málimet almaty.kz saıtynda jáne Almaty ákimdiginiń áleýmettik jelilerinde jarıalanady.
Esterińizge sala keteıik, naýqan 4 negizgi kezeńge bólingen: "Bizdiń qala — bizdiń kóshelerimiz"( 8-14 sáýir), "Bizdiń qala — bizdiń aýlamyz, úıimiz "(15-21 sáýir), "Bizdiń qala - bizdiń taýlarymyz, ózenderimiz ben kólderimiz" (22-28 sáýir), "Bizdiń qala — bizdiń maqtanyshymyz" (29 sáýir - 8 mamyr).
Esterińizge sala keteıik, 8 sáýirde «Almaty – bizdiń ortaq úıimiz» naýqany bastaldy. Árbir turǵyn qalanyń damýy men abattandyrylýyna óz úlesin qosa alady.
Barlyq aqparat almaty.kz saıtynda, Almaty ákimdiginiń áleýmettik jelilerinde ornalasqan. Sondaı-aq, veb-saıtqa arnaıy QR-kod arqyly qala boıynsha ornalastyrylǵan bannerlerde, plakattarda jáne afıshalarda kirýge bolady.