«Tumar-2022» televızıalyq báıgesiniń úzdigi
«Tumar-2022» televızıalyq báıgesinde úzdik oıyn-saýyq baǵdarlamasy bolyp tanylǵan «Almaty BALA FEST» televızıalyq festıvali kórermenge qaıta jol tartady, dep habarlaıdy Almaty-akshamy.kz Almaty.tv-ge silteme jasap.
«Men Memleket basshysy retinde óskeleń urpaqtyń bolashaǵyna basa mán beremin. Jastarǵa zor úmit artamyn» deı kele Qasym-Jomart Toqaev «Balalar jyly jalań uran men merekelik sharalardan» aýlaq bolýdy aıtqan edi. Ótken jyly «Almaty» arnasy usynǵan «Almaty BALA FEST» televızıalyq jobasy sonyń dáleli. Sebebi, 2021 jylǵy festıválge talaı talantty da, ónerli jastar qatysyp, kórermen yqylasyna bólengen edi. Demek, memleket tarapynan balalar ónerin qoldap, olardyń damýyna jasalǵan jaǵdaı, sondaı-aq ádil qazylardyń eńbegi, ónerli órenderdiń yqylasy festıváldiń úzdik atanýyna sebep bolǵan.
Jobanyń bıylǵy ereksheligi – júrgizýshi tańdaýda talapty kúsheıtik. Baǵdarlamany bıazy minezimen kózge túsken tanymal akter Erkebulan Myrzabek tizgindeıtin bolady.
«Biz úshin ár bala erekshe, árqaısysy talant ıesi. Biz eshkimdi bólip jarmaımyz. Ár bala Qazaqstan bolashaǵynyń jarqyn kepili dep bilemiz», - deıdi Aıgúl Aqsambıeva.
Baǵdarlamanyń basty maqsaty – balalardy yntalandyrý, qoldaý. Sahnada óner kórsetken balany kórip otyrǵan kórermendi de qyzyqtyryp, senimin arttyrý.
«Jańa maýsymda tóreshiler quramy ózgergen joq. Nurgúl Nuǵmanova, Danıar Ótegen, Gúlnaz Jolanova qazylar alqasy quramynda otyrady. Al baǵdarlama saıyn aýysyp otyratyn tóreshi balalarǵa úlgi bolatyn tanymal jastardyń arasynan iriktelip alynatyn bolady», – dedi Aıgúl Aqsambıeva.
Sondaı-aq osy maýsymda kórermen kózaıymyna aınalatyn talant ıeleri kóp. Ásirese, qazaqtyń tól ónerin, ulttyq mýzykasyn serik etken ónerpazdar sany artypty. Solardyń biri – Aýken Dinmuhammed.
«2 synyp oqyp júrgenimde dombyraǵa qyzyǵa bastadym. Ata-anam baıqap, óner mektebine dombyra úıirmesine berdi. Dombyra arqyly Qazaqstandy barsha álemge tanytqym keledi. Osy jolǵy maqsatym – ónerimdi odan ári shyńdaı túsý», - deıdi Aýken Dinmuhammed.
«Bizdiń kezimizde ánshi de, top da, akter de az bolatyn. Qazirgi urpaq bizge qaraǵanda jan-jaqty. Eń mańyzdysy – qazirgi rep, q-pop zamanynda balalardyń óz túp-tamyryna qaıta oralyp, halqymyzdy tanytatyn etnıkalyq mýzyka baǵytyna bet burýy», - dedi Nurgúl Nuǵmanova.
Jańa maýsymda «Almaty» telearnasynda «Almaty BALA FEST» baǵdarlamasy qyrkúıek aıynda efırge shyǵady.