Qazir Almatyda 80 teńgelik tarıf bar.
Buǵan deıin Almaty ákimi Erbolat Dosaev «jańa tarıftik saıasat» engiziletinin aıtqan bolatyn, dep habarlaıdy Almaty-akshamy.kz
Almaty qalalyq mobıldilik basqarmasy qoǵamdyq kólikterdegi jol júrý aqysyn ózgertý máselesine qatysty pikir bildirdi.
«Tarıf 2012 jyldan beri ózgergen joq. Osy ýaqyttan beri JJM quny, júrgizýshilerdiń jalaqysy, avtobýstar men qosalqy bólshekter quny birneshe ese ósti. Tarıfti ózgertý týraly sheshim qabyldanǵan jaǵdaıda, ol aldyn ala jáne halyqpen qoǵamdyq tyńdaýlar ótkizilgennen keıin ǵana habarlanady», - dedi Almaty qalalyq mobıldilik basqarmasy ókilderi.
Basqarma málimetinshe, árbir áleýmettik mańyzy bar marshrýt úshin jeke anyqtalatyn eseptik tarıf uǵymy bar. Eseptik tarıf 2017 jyly engizilgen sýbsıdıalaý shamasyn aıqyndaý kezinde qoldanylady. Osylaısha, tasymaldaýshylarǵa esep aıyrysý men bazalyq tarıf arasyndaǵy aıyrma tólenedi, ıaǵnı olardyń shyǵyny is júzinde óteledi.
«Eseptik tarıf - bul jol júrýdiń naqty qunyn kórsetetin tarıf, ol tasymaldaýshynyń marshrýttarǵa qyzmet kórsetýge arnalǵan shyǵyndaryn (JJM, jóndeý, tehnıkalyq qyzmet kórsetý, júrgizýshiniń jalaqysy, amortızasıalyq shyǵystar jáne t.b.), sondaı-aq jolaýshylardy tasymaldaýdan túsetin kiristerdi eskere otyryp qalyptasady. Ortasha tarıf - 250 teńge», - dedi basqarma ókilderi.
Qazirgi ýaqytta qaladaǵy qoǵamdyq kólikterdegi tarıfter mynadaı:
