Almaty halyqaralyq áýejaıynyń jańa termınalynda Visit Almaty aqparattyq ortalyǵy jumysyn bastady.
Bul qaladaǵy ártúrli jerlerde ornalasqan aqparattyq ortalyqtar jelisiniń onynshy núktesi, dep habarlaıdy aqshamnews.kz.
Ortalyq táýlik boıy jumys isteıdi. Halyqaralyq, sondaı-aq ishki týrıserge aqparattyq jáne keńes berý kómegin usynady. Kúndizgi jáne túngi aýysymda jumys isteıtin bilikti keńesshiler sheteldik týrıserge qaladaǵy baǵyt-baǵdar boıynsha, kórikti jerlerdi tabýǵa kómektesedi. Sonymen qatar, mádenı is-sharalar men týrısik marshrýttarǵa qatysty suraqtarǵa jaýap beredi.
Ortalyqta týrıser úshin arnaıy aımaq jabdyqtalǵan. Bul aımaqta týrıser júk sómkelerin joǵaltyp alǵan jaǵdaıda nemese basqa da kútpegen jaıttar oryn alǵan sátte, tek kómek alyp qana qoımaı, óz máseleleriniń sheshimin qolaıly jerde kútýge múmkindik alady.
Visit Almaty aqparattyq ortalyqtary týrıserge mańyzdy aqparat pen qyzmetterge qoljetimdilikti edáýir jeńildetip, týrısik ınfraqurylymdy damytýǵa jáne qalanyń týrıser arasyndaǵy tartymdylyǵyn arttyrýǵa yqpal etedi.
